LEKAENEA OSO SENDO DARRAI ESPAINIAKO LIGAN
Mahai Tenisa

LEKAENEA OSO SENDO DARRAI ESPAINIAKO LIGAN

Lekaenea Mahai Teniseko gorengo bi taldeek Espainiako Ligako talde gogor, sendo eta sasoikoenetarikoak erakusten ari dira 2020 urte berri honetan ere

Hiru asteren ondoren, Espainiako Superdibisioetako bi taldeak lehiaketara itzultzen ziren, eta biek garaipenarekin egin zuten Irunera buelta. Emakumezkoen taldeak, 0-4 garaitu zuen Tecnigen Linares eta sailkapeneko lidergoan jarraitzen du neurketa bakar bat besterik ez galduta. Gizonezkoak ordea, sailkapeneko bigarrenak dira eta zailtasun gehiagorekin, 2-4, Arteal menderatu zuten etxetik kanpo.

Emakumezkoen neurketari dagokionez, Jaenera biadaitu zuten Tecnigen Linaresen aurrean jokatzeko. Maria Xiao, Roxana Iamandi eta Yulia Prokhorova jokalariak izan ziren eguneko puntu guztiak lortu zituztenak. Prokhorovak 3-0 garaitu zuen lehen setean Cristina Prieto, eta Iamandik, zailtasun gehiagorekin azken jokorarte itxaron behar izan zuen 0-2koa lortzeko. Neurketako hirugarren setean, Maria Xiaok Judith Cobos beste 3-0 batekin garaitu zuen eta beraz, 0-3koa ezarri zuen Lekaenearen alde. Azkenik, bikotekako setean, Mariak eta Yuliak beste 3-0 batekin neurketa borobildu zuten.

Gizonezkoetan ordea neurketa ez zen hain erraza izan. Hala ere, goraipatzekoa garaipen hau, izan ere, azkeneko bi jardunaldietan bi porrot jasan zituzten eta irabazitako neurketaren honen bidez, konfidantza berreskuratu du talde irundarrak. Gizonezko taldearen denboraldirik oparoena izaten ari da hau momentura arte, eta 2020a sentsazio berdinekin hasi zuten. Endika Diez, Daniel Palacios eta Taras Merzlikin hirukoteak oso neurketa estua aurrera eraman zuten, eta hala ere, bi puntuak eskuratu zituzten. Taras Merzlikinek lehen puntua eskuratu zuen irundarrentzatt Mendes 1-3 garaitu ostean, baina galiziarrek azkar berdindu zuten Humberto Manhanik Endika Diez 3-2 garaitu eta gero. Dani Palaciosek bigarrenez aurreratu zuen Lekaenea Moises Alvarezi 1-3 garaituta eta Tarasek Manhaniren aurrean seta irabazita 1-3a ezarri zuen markagailuan. Puntua ziurtatuta zuen talde irundarrak, baina garaipena lortzeko bi set gehiago jokatu behar izan zituzten. Dani Palaciosek ezin izan zion Mendesi irabazi eta azkenean, Endika Diezek oso set estu batean azken 2-4koa ezarri zuen.  

BESTE BEHIN, CHAMPIONSEN
Mahai Tenisa

BESTE BEHIN, CHAMPIONSEN

Hirugarrenez jarraian, Lekaenea Mahai Tenis taldeak Champions League txapelketa jokatu du.

Lekaenea Mahai Tenis taldea Champions...

JARDUNALDI GAZI GOZOA
Mahai Tenisa

JARDUNALDI GAZI GOZOA

Lekaenea Mahai Tenis Klubeko bi taldeak lehen faseko azken neurketak jokatu zituzten. Emakumezkoen taldeak garaipena erdietsi zuen; gizonezkoenak, ostera, porrota...

AURRERA EGITEKO PUNTU GARRANTZITSUA
Mahai Tenisa

AURRERA EGITEKO PUNTU GARRANTZITSUA

Lakenea Mahai Teniseko emakumezkoen taldeak sailkapenean aurrera egiteko puntu baliotsua eskuratu zuen Girbau Vic liderraren aurka. Gizonezkoek galdu eta hirugarren...

IRUN GOI-MAILAKO MAHAI TENISAREN EGOITZA
Mahai Tenisa

IRUN GOI-MAILAKO MAHAI TENISAREN EGOITZA

Espainiako Ohorezko Mailako emakumezkoen kontzentrazio-jardunaldia jaso du Irungo Sonia Etxazarreta kirol-zentroak. Lekaenea Mahai Tenisek Jaenen aurka berdindu eta...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika