Jacobo Cuetarak garrantzi handia eman dio igandean C.D. Bidasoak Antequeraren aurka jokatuko duen norgehiagokari, “irabazteko partidu ona jokatu beharko dugu”

Sacyr Asobal Ligara igo berria den taldea izango du bihar arerio Bidasoak, BM Antequera. Bidai luzea dute aurretik, 12 ordu inguru, neurketan zehar eta arerioaren aurka erabili behar dituzten estrategiak prestatzeko denbora adina. Igo berriak izateagatik, ez da norgehiagoka erraza izango, ezta gutxiago ere. Are gehiago, Jacobo Cuetara entrenatzaileak, “irabazteko partidu ona jokatu beharko dugula” adierazi zuen prentsaren aurrean.

BM Antequeraren jokoa eta emaitzak goraipatu zituen teknikari asturiarrak: “Rafa Baena pibotearekin maisuki jokatzen duen taldea da; gainera, kanpoko jaurtitzaile ugari dituzte, Jorge Silva edo Lukas Simenas, esaterako. Lucas Grandi argentinarra ere maila onean ari da jokatzen”. Bada, igandean, 12:00etan, jokatuko den neurketako gakoetako bat “jokalari horiek ondo zaintzea eta defentsan eroso egoeta izango da”.

Momentuz, BM Antequerak jokatu dituen hiru norgehiagoketatik, garaipen bakarra eta bi puntu eskuratu ditu. Garaipen bat, baina ez edonolako taldearen aurka. C.D. Bidasoak jokatuko duen kantxa berean, denboraldi hasiera honetan, BM Logroño La Riojari nagusitu zitzaion, 33-31. Horregatik, Jacobo Cuetara tentu handiarekin hartuko du biharko norgehiagoka: “neurketa guztiak garrantzi berdinarekin aurre egin behar ditugu, BM Logroño La Rioja garaitzea ez da erraza eta BM Antequerak lortu zuen”. Bada, helburu argiarekin bidaiatzen ari da C.D. Bidasoa Antequera aldera: “nola edo hala, denboraldiko egutegiak ala eskatzen baitu, irabazi eta bi puntuak batu behar ditugu”.

Azkue eta Aginagalderen itzuleren aurrean, Kauldi eta Renaud gabe.

Orain artean min hartuta izan diren bi jokalari berreskuratzear da C.D. Bidasoa. Jon Azkue kapitaina Antequeraren aurka jokatzekoa da, baina Aginagalde taldera itzuliko den azken unera arte ez dugu jakingo. Talde irundarra Antequera bidean da jada eta bertan ez dira ez Kauldi Odriozola, ez Leo Renaud izango. Azken honen transferra oraindik ez da Arabiar Emirrerrietatik iritisi; bestetik, Kauldi Odriozolak, ezker besoan urradura izan zuen Bartzelonaren partiduan eta datozen bi neurketak galduko ditu.