Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
05 Eka, 2023
Julen Aginagalde omentzeko baliatu zuen Bidasoak Puente Genilen kontrako garaipena
Bidasoak denboraldiko azken partidua jokatu zuen pasa den asteburuan Artalekun. Angel Ximenez Puente Genil 32-31ko markagailuarekin garaitzeaz gain, taldea uzten duten jokalariei omenaldia eskaintzeko baliatu zuten arratsaldea, batez ere, eskubaloi jokalari profesionala izateari utziko dion Julen Aginagalderi.
Emozioz beteriko arratsaldea bizitu zen pasa den larunbatean Artalekun. Angel Ximenez Puente Genil garaitzeaz gain, hainbat omenaldi eskaintzeko aprobetxatu zuten denboraldiko azken jardunaldia. Neurketaren aitzinetik, Jimenez doktoreari aitortza egin zioten kantxan, 35 denboraldi eman dituelako aurten Bidasoan lanean. Horren ondotik, denboraldiko azken partidua hasi zen. Etxeko taldea nagusi izan zen 60 minutuetan zehar, nahiz eta hurbiletik segitu zion aurkariak. Azkenean, 32-31ko markagailuarekin lortu zuen garaipena eta sailkapeneko laugarren postuan bukatu zuen urtea talde irundarrak.
48 partidu jokatuta, 2022/23ko denboraldiaren balorazioa egin zuen Bidasoak. Etxeko partida guztiak irabazi ditu aurten, bi izan ezik, eta laugarren postua ziurtatu zuen azken aurreko neurketan. Honekin, bertze urte batez, sailkapeneko goialdean mantentzen den taldea izaten segitzen du.
Neurketaren ondotik, aurten taldea utziko duten bost jokalariei agurra eskaini zieten, Artalekun zeuden 1.823 zaleek. Lehena Julen Aginagalderi, eskubaloi jokalari profesionala izateari utziko baitio eta klubeko kirol zuzendaria bilakatuko da denbora osoz. Bere ibilbidea aitortzeko, 13 zenbakidun kamiseta zintzilikatu zuten kantxan. Gainera, bertze zereginetan ibiliko den Ander Ugarteri, Limoges-era joanen den Jon Azkueri, Victor Rodriguezi eta Mihajlo Mitic-i ere omenaldia eskaini zieten.
Denboraldia bukatuta, oporrak hasi dituzte Artalekuko kantxan, baina ez Bidasoako bulegoetan. Dagoeneko heldu den denboraldiari begira jarri dira, taldea osatzeko eta Europako gonbidapen hori lortzen saiatzeko.
(Argazkia: Arrate Morales)
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...