09 Mar, 2016
Pista estaliko Espainiako Txapelketa absolutua jokatu dute asteburuan Gallurren (Madril). Instalazio berria estreinatu dute parte hartzaileek. Eskualdeko taldeerako bost ordezkari izan dira guztira. Emaitzarik onena, Super Amara Bidasoa Atletiko Taldeko Malen Ruiz de Azuak lortu zuen. Brontzezko domina jantzi zuen pertika jauzian, 4,15m-ko jauziarekin. Gizonezkoen proban, Mikel Camponek finalista postua lortu zuen, seigarren izan baitzen, 4,80m-ko jauziarekin.
Nerea Sarriegik ez zuen 1.500m-ko lasterketako finalerdia gainditu, senior mailako bere lehen Espainiako Txapelketan. 4:50eko denbora egin zuen, eta 26.postuan gelditu zen. Albisterik okerrena, min hartuta bueltatu zela, eta ezin izango duela Espainiako Cross Txapelketan parte hartu. Clara Viñarasek erdi lesionatuta parte hartu zuen 3.000 m-ko lasterketan, eta bere marka onenetik urrun gelditu zen (10:23).
Txingudi Atletismo Taldearen ordezkari bakarra Marian Garrantxo izan zen. 60 metroko lasterketako finalerako txartela lortu zuen, eta zazpigarren izan zen azkenean, 7,61eko denborarekin.
Plaiaundin jokatu zen alebin eta infantil mailako Gipuzkoako Txapelketa eta etxekoek hamaika domina bildu zituzten guztira
Gipuzkoako alebin eta...
Irungo klubeko Arantxa Ausan, Juana Usabarrena, Miguel Arburua, Imanol Gil eta Javier Garcia Arnedo nagusitu ziren kategoria desberdinetan
Euskadiko...
Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek
Lasterketaren aurkezpena egin zuten orain dela...