PARTIDA LEHIATUA JOKATU ZUEN ZAISA TXINGUDIK IRUÑEAN
Errugbia

PARTIDA LEHIATUA JOKATU ZUEN ZAISA TXINGUDIK IRUÑEAN

Galdu arren, bidasotarrek indarrez egin zioten aurre neurketari eta sailkapeneko bigarren postua sendotu dute

Zaisa Txingudik Iruña RC taldearen kontra jokatu zuen urteko lehendabiziko neurketa. Final baten antzera egin zion aurre partidu honi Iñigo Camareroren taldeak eta indarrez aritu ziren zelaian, denboraldiko jardunaldirik lehiatuena jokatuz. Hala ere, sailkapeneko liderra den Nafarroako taldeak puntuak batzeko aukerak aprobetxatu zituen eta azkenik, berarentzat izan zen garaipena, 10-3ko markagailuarekin.

Neurketaren hasieratik buruzagi izan zen Iruña RC taldea, nahiz eta Txingudik defentsa gogor bat zelairatu eta aurkariari jokaldiak zaildu. Iñigo Camareroren mutilak ez ziren fin ibili erasoan eta hamahirugarren minutuan aurreratu zen etxeko taldea, 3-0ekoa ezarriz. Hogei minutu beranduago, bidasotarrak Adur Manterola gabe gelditu ziren, baina ez zituzten besoak jaso. Alderantziz, lehen zatiko azken minutuetan, touche-maul bat egin eta marka-eremura iritsi ziren. Hala ere, ezin izan zituzten puntuak batu, ez baitzuten ongi utzi baloia lurrean eta beraz, epaileak entsegua baliogabetu zuen.

Garaipena posible zenaren pentsamenduarekin zelairatu zen Txingudi bigarren zatian ere. Hala ere, eguraldi txarra eta nekea medio, zigor kolpe gehiegi egiten hasi ziren bi taldeak eta hemeretzigarren minutuan, epaileak Ekain Hiribarren zigortzea erabaki zuen arrazoi honengatik. Hau aprobetxatuta, Iruñak eraldatutako entsegu bat lortu zuen eta 10-0eko markagailua ipini zuen. Mugako jokalarientzat kolpe latza izan bazen ere, azken hamabost minutuetan errenta txikitu ahal izan zuten, Adur Manterolak ostikatutako zigor kolpe bat hagen arten pasatu baitzen. Saiatzen jarraitu bazuten ere, ez zituzten puntu gehiago lortu ez talde batek ezta bertzeak ere, eta 10-3koarekin bukatu zen jardunaldia.

Emaitza honekin, Iruña RC-k bere lidergotza sendotu du sailkapenean eta hamar puntuko aldea atera dio Zaisa Txingudiri. Bidasotarrek ere bigarren lekua ziurtatu dute eta bederatzi puntuko aldea dute orain hirugarren sailkatuarekin.

(Argazkia: Thalia Cuellar)

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN
Errugbia

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN

Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa

Txingudi Rugby Klubak bigarrenez...

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN
Errugbia

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN

Biok Txingudik 29-22 galdu zuen Neskak Loratzen taldearen kontra, eta Zaisa Txingudik ere 17-13ko emaitzarekin galdu zuen Bera Bera Bren...

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK
Errugbia

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK

Zaisa Txingudik bihar jokatuko du Bera Beraren kontra eta Biok Txingudik berriz, igandean Neskak Loratzen taldearen kontra

Txingudi Rugby Klubeko...

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN
Errugbia

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN

Txingudi Rugby Klubeko gazteek ere arrakastaz bukatu zuten asteburua

Txingudi Rugby Klubeko ia talde guztiek lortu dute asteburua arrakastaz...

BIOK TXINGUDIK HASIERA EMANEN DIO EUSKAL LIGAKO BIGARREN FASEARI
Errugbia

BIOK TXINGUDIK HASIERA EMANEN DIO EUSKAL LIGAKO BIGARREN FASEARI

Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du

Atsedenaldiaren ondotik, Txingudi...

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika