Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
05 Urt, 2023
Brasildarra, Gorka Wambarekin batera, prentsaren aurrean agertu zen atzo Bidasoako jokalari moduan
Pedro Pacheco jokalari brasildarra Bidasoako partaide da dagoeneko. Mediku-azterketa pasatu ondotik, prest dago erdilaria Artalekun jokatzeko eta denboraldiko bigarren itzuliari ekiteko. Gorka Wamba Arlo Profesionaleko batzarkidearekin batera aurkeztu zuten atzo arratsaldean Pacheco eta hemendik aitzinera berarekin eginen duten lana jakitera eman zuten.
Gorka Wamba Arlo Profesionaleko batzarkideak aurkeztu zuen atzo arratsaldean prentsaren aurrean Pedro Pacheco jokalari brasildarra. Berak adierazi zuen moduan, “fitxaje oso garrantzitsua izanen da Pacheco” Bidasoarentzat, bai taldearentzat eta baita klubarentzat ere. Wambak azaldu zuenez, “orain dela hilabete batzuk Jon Azkuek denboraldi bukaeran taldea utziko duela konfimartu zigun eta hortik aitzinera, gure lana bera ordezkatuko duen jokalari bat bilatzea izan da”. Bilaketa egin ondotik, zuzendaritza taldeak Pedro Pacheco begiz jo zuen eta berarekin bi denboraldirako akordio bat sinatzeko harremanetan jarri zen.
Edonola ere, azken asteetan, Pedro Pachecoren fitxaketa aurreratzeko aukera ireki zitzaion Bidasoari eta hau aprobetxatzeko erabakia hartu zuen klubak: “Fitxaketa aurreratu ahal izan dugu azkenean eta urtarriletik aitzinera Pacheco gurekin lanean hasteko aukera aprobetxatu dugu. Horrela, denbora gehiago izanen dugu berarekin lan egiteko eta gure jokora egokitzeko. Gainera, bigarren itzulirako baliagarria izanen zaigu bere fitxaketa ere”.
Bertze aldetik, Pedro Pacheco ere oso pozik azaldu zen aldaketa honekin. Jokalari brasildarrarentzat Bidasoan egoteak “bilakaera handia” izanen da bere ibilbidearentzat. Izan ere, “joku taktikoan asko hobetzeko aukera izanen dut eta nik ere, ahal duten heinean, taldea lagundu ahal izanen dut”. Akordioa sinatu aitzinetik, Matheusekin hitz egiteko aukera izan zuela ere argitu zuen eta berak talde irundarrean egotearen “onurak bakarrik” kontatu zizkiola erran zuen. Gainera, Artalekun jokatzea “aukera handia” izanen dela ere onartu zuen, “bisitari bezala bertan jokatzea zaila” bada ere, Pachecorentzat “leku perfektua izanen dela” azpimarratu zuen.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...