Astigarragako aurrelaria Cadiz B taldetik dator utzita

Real Unionek jakitera eman duenez, Peru Ruiz Irisarri jokalariak talde txuribeltzean jokatuko du asteburu honetan hasiko den denboraldian. Astigarragako aurrelaria Cadiz B taldetik dator Irunera, utzita.

Cadiz CF eta Real Union akordio batera ailegatu dira eta, horren ondorioz, Peru Ruizek Irunen jokatuko du denboraldi honetan. 22 urte dituen Astigarragako jokalaria Realeko harrobiak hezi zen eta Real C eta Suediako Örgryte IS taldeetan jokatu du bere futbolari ibilbidean zehar. Pasa den denboraldian Cadiz B taldean aritu zen eta Bigarren Federazioko IV. multzoan 33 partidu jokatu zituen, guztira hamar gol sartuz.