04 Urt, 2019
Hirugarren laurdenera arte eutsi zion larunbatean Erroibide-Irunek Zurt Taberna Iraurgiri. Emakumeen Lehen Mailako bigarren sailkatua da talde azpeitiarra, eta aurkari ahula izan zuen gainera. Min hartuta zeuden Izaro Alza eta Ohiane Borreguero jokalarien hutsunea zeukan Erroibidek. Partidan zehar aldaketak egiteko aukera handirik ez zuen, beraz, Ganix Miron entrenatzaileak.
Trantsizio azkarren bidez irundarrak nekatzea izan zen etxekoen asmoa. Atsedenaldira arte emaitza eman zuen planteamentuak (38-25). Hirugarren laurdenean, markagailuan hurbiltzeko ahalegin itzela egin zuen Erroibidek, baina laugarrenerako leher eginda bukatu zuten neskek. 26-5eko partzialarekin garaipen argia eskuratu zuen Zurt Tabernak. Igande eguerdian Autocares Alba La Salle hartuko du Erroibidek Artaleku kiroldegian.
Erroibidek ezin izan du denboraldiko laugarren garaipena erdietsi, neurketa berdindu batean, Leioako Askartza taldeak 64-69 irabazi du.
Hiru hilabete...
Hiru hilabete geldirik egon ostean, lehiaketa utzi zuten bezala bueltatu dira irundarrak, garaipenarekin alegia. Cafeteria Tartalo Ibaizabelen aurka 71-86 gailendu...
Neurketa zail batean, azken laurdenean Erroibidek denboraldiko bigarren garaipena erdietsi du eta sailkapeneko lider berri bezala kokatu da...
Ostiralean Hazparneren jaso zuten Irandatzen eta aise 78-59-ko garaipena erdietsi zuten; igandean, bestalde, Merignac 80-56 garaitu zituzten.
Ez ohiko...