Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
04 Ira, 2016
REAL SOCIEDAD B: Sisniega, Odriozola, Lapeña, Le Normand (Ugarte, 46'), Kevin Rodrigues, Zubeldia, Guridi, Muguruza (Olaizola, 90'), Sangalli (Sanz, 61'), Merquelanz, Bautista.
REAL UNION: Tena, Gorosabel (Azkoiti, 68'), Sagastibeltza, Esnaola, Urkizu, Ekhi, Martins, Ozkoidi, Juan Domínguez (Alonso, 74'), Hernáez (Mujika, 63'), Galán.
GOLAK: 0-1: Galán (49'). 1-1: Merquelanz (81').
EPAILEA: Herrero Arenas. Txartel horiak: Normand eta Ugarte (Real Sociedad B); Ekhi eta Gorosabel (Real Union).
Garaipena gertu izan du Real Unionek, Real Sociedad Bri Zubietan egin dion bisitan. Azken txanpan jaso du banakoa, eta horregatik gelditu zaio zapore gazi-gozoa. Neurketa txukuna egin du, hala ere, Unionek, eta lehen zatian, jada, abantaila hartzeko aukerak izan ditu. Argiena, Galanek 12.minutuan izan duena. Ekhiren pase luzea jaso ondoren, atezainaren aurrean geratu da, bakarrik, baina huts egin du errematean. Gorosabelek ere ez du azken erabakian asmatu, 37.ean Ekhiren paseak egoera bikainean utzi duenean. Atsedenaldiaren aurretik, Sansek eman du abisua, Bautistak abagune ederra izan baitu, buruz.
Aldagelatik bueltan, aldiz, txuribeltzek eman dute kolpea. Galanek Juan Domínguezen pasea jaso du, eta eskuinez gurutzatu du baloia, sarera. Denborak aurrera egin ahala, Asier Santanak abantailari eustera bideratutako aldaketak egin ditu, baina Unionek ezin izan du berdinketa ekidin. Esnaolak atepean atera du, lehenengo, Bautistaren errematea, 77.ean. Lau minutu beranduago, Merquelanz irundarrak banakoa sartu du, ezker hegalean Azkoitiri ihes egin ondoren. Azken minutuetan txuri-urdinek gehiago estutu dute, baina puntu bana eraman dute taldeek.
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...