Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
26 Ots, 2020 Irun, Rugby, Zaisa Txingudi Rugby Club Irun
Zaisa Txingudi Errugbi Taldeak errenkadan lortutako bigarren garaipena erdietsi zuen, ligako azken sailkatua den Bera Bera 7-8 irabazi zuten
Larunbatekoa final bat zen talde bidasoarrarentzat, Bera Beraren aurka jokatu zuten euren zelaian eta ligan mantentzeko auspoa ematen dien garaipen estua erdietsi zuten.
Etxekoek hasi ziren agintzen, meleetan Zaisa Txingudi Errugbi Taldea baino indartsuagoak ziren, 14.minutuan Bera Berak neurketako entsegu bakarra gauzatu zuen. 7-0 jarri ziren aurretik, Zaisa Txingudi Errugbi Taldeak aldaketak egin zituen aurrealdean eta meleak hobeto funtzionatzen hasi ziren. Entseguak egiteko aukerak iritsi ziren, baina momentuz aukerak ez ziren gauzatzen. 34.minutuan Zaisa Txingudi Errugbi Taldearen lehen puntuak iritsi ziren, zigor kolpe bat gauzatu zuten eta 7-3koa ezarri zuten markagailuan.
Atsedenaldira emaitza horrekin iritsi zen, gauzak ondo eginez gero garaipena lortzeko aukera handia zituzten bidasoatarrek. Bigarren zatia Zaisa Txingudi Errugbi Taldearen erasoarekin hasi zen, saiakera askoren ondoren, 51.minutuan jokalari bidasoatarrek Bera Beraren defentsa gainditu eta entsegua lortu zuten. 7-8 aurreratu ziren markagailuan, inoiz baino gehiago defendatzeko unea iritsi zen. Donostiarrak zuzenean erasora jo zuten eta Zaisa Txingudi Errugbi Taldeari hortzak estutzeko garaia iritsi zitzaion. Azken hamar minutuak oso luzeak izan ziren talde bidasoatarrarentzat, baina azkenean 7-8koa mantendu zuten.
Euskadiko Senior mailan mantentzeko helburuan jarraitzen du Zaisa Txingudi Errugbi Taldeak, 16 puntu ditu jada, Gernika eta Elorrioren puntu bakar batetara. Datorren larunbatean Plaiaundin beste garaipen garrantzitsu bat lortu nahiko dute, baina ez da batere erraza izango aurrean sailkapeneko laugarrena den Errioxa izango baitute.
Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia
Ligako...
Ligako B multzoko lider moduan buka dezake modu ofizialean lehiatu duen lehen denboraldia
Biok Txingudik bukaera emanen dio asteburu honetan Ligari....
Txingudi Rugby Klubeko 14 urtez azpiko taldeak ezin hobe bukatu du denboraldia
Txingudi Rugby Klubeko 14 urtez azpiko Txingudi/Baztan taldeak...
La Unica taldea jasoko dute 14 urtez azpiko taldeak finala jokatzeko, maiatzaren 11n 11:00etan
Txingudi Rugby Klubeko taldeak denboraldi bukaerara...
Arrasate/Eibar Bri 27-22ko markagailuarekin irabazi zion mugako taldeak eta honela, sailkapeneko bigarren postura igo da
Biok Txingudik 27-22ko...