Adidas markarekin jantziko dira jokalariak eta Futbol Emotion taldeak egindako diseinuarekin
Real Union Klubak 2024/25 denboraldiko jantziak...
11 Abe, 2023
Jorge Agirre lesakarrak sartutako hirugarren golak Osasuna Promesasen alde erabaki zuen partidua
Real Unionek porrota jaso zuen atzo eguerdian etxean Osasuna Promesasen kontrako partiduan. 2-3ko emaitzarekin nafarrek eraman zituzten puntuak, irundarrek bigarren zatian markagailua berdintzea lortu ondotik. Jorge Agirre lesakarrak jaurtitako penaltiak erabaki zuen garaipena Iruñeara joatea.
Azken lau jardunalditan garaipenik lortu gabe zeuden bi talde izan ziren atzo eguerdian, Galen, aurrez aurre. Real Unionek eta Osasuna Promesasek puntuak batzeko intentzioarekin zelairatu ziren eta lehen zatian etxekoak izan ziren nagusi. Real Unionen lehen gola partidua hasi eta ordu erdira ailegatu zen. Pare bat saiakeren ondotik, Escobarrek jaurtiketa gurutzatu bat egin eta aurkariaren atean asmatu zuen. Hala ere, pozak ez zien gehiegi iraun, izan ere, hurrengo jokaldian, Osasunak emaitza berdintzea lortu zuen Yoldiren eskutik. Fran Justoren taldea buruzagitza mantentzen saiatu zen eta abaguneak ere izan zituen berriz ere aitzinetik jartzeko, hala ere ez zuen asmatu. Hori gutti balitz, atsedenaldia baino lehen, nafarrek bigarren gola sartu zuten, Enekoren eskutik, eta 1-2koarekin joan ziren bi taldeak aldageletara.
Bigarren zatian, indarrez zelairatu ziren berriz ere etxekoak, eta Osasunari atzetik defendatzea egokitua zitzaion. Horrela, Solísek Real Unionen bigarren gola sartzea lortu zuen eta emaitza berriz ere berdindua gelditu zen. Markagailua iraultzeko asmotan, talde txuribeltzak jokatzen segitu zuen eta orduan ailegatu zen partiduaren bigarren momentu zalantzagarria. Epaileak Bazek besoarekin jokalaria urrundu zuela ulertu zuen eta beraz, Osasunaren aldeko penaltia erabaki zuen. Orduan, Jorge Agirre lesakarrak protagonismoa hartu eta gola sartu zuen, nafarren hirugarrena eta beraz, neurketa euren alde erabaki zuena.
Real Union saiatu zen berriz ere emaitza berdintzen, baina izan zituen aukera ez ziren atera iritsi. Hiru puntuak Iruñeara joan ziren, eta Agirrek berak azaldu bezala, “beharrezko garaipena” erdietsi zuen Osasunak. Etxekoek ere beharrezkoak zituzten puntu horiek, baina ezin izan zituzten banatu. Egoera honetan, talde txuribeltzak Sanseren kontra jokatuko du urteko azken jardunaldia, Gabonetako atsedenaldiaren aitzinetik. Zubietan ariko dira, heldu den igandean (abenduaren 17an), 12:00etan.
(Argazkia: Barbara Duarte Fotografia)
Adidas markarekin jantziko dira jokalariak eta Futbol Emotion taldeak egindako diseinuarekin
Real Union Klubak 2024/25 denboraldiko jantziak...
Ekainaren 8an, larunbatean, ospatuko da eta guztira zortzi taldeek hartuko dute parte
Real Union Klubak Enpresen arteko III. Torneoa antolatu du...
Zelai erdian aritzen zen jokalaria utzita etorri zen Irunera UD Levantetik pasa den udan
Real Union Klubak jakitera eman duenez, Alex Cerda bere...
Klub txuribeltzak euren profesionaltasuna eskertu nahi izan die jokalariei eta zorte ona opa etorkizunean
Carlos Beitia eta Julio Martinez Escorcia...
45 urtetik goitiko taldea txapeldun izan zen eta +55 eta +35 mailatako taldeak berriz, txapeldunorde
Real Uniongo Beteranoak Donosti Masters Cup...