Real Unionek erdilari berri bat gehitu du bere plantilara, Quique Alvarez kantabriarra 1+1eko kontratuarekin batu da talde irundarrera. 

Aitor Zulaikak badu falta zitzaion erdilaria plantila osatzeko. Real Unionek Quique Rivero jokalari kantabriarra fitxatu du urte baterako, baina denboraldiaren amaieran berritzeko aukera izango du. Talde garrantzitsuetan aritutakoa da Rivero, hala nola, Santanderreko Racingen, Tenerifen, Cartagenan eta Huelvako Recreativon aritutakoa da. Talde irundarrak jakinarazi du, “Quique Alvarez gaur arte libre aurkitzen zen jokalaria da eta atzo bertan sinatu zuen Real Unionekin konpromisoa”.

Eskarmentu handiko jokalaria da, lau partida jokatu zituen lehen mailan Santanderreko Racingekin eta Teneriferekin 45 neurketa jokatu ditu bigarren mailan. Bigarren B mailan, Racing, Cartagena eta Huelvako Recreativorekin 168 partidetan aritu da.