Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
12 Abe, 2021
Irundarrek 0-3ko markagailuarekin galdu zuten Racing El Ferrolen aurkako neurketa
Sasoi onean zeuden Real Unionekoak, bost partidu jarraian zeramatzaten porrotarik jaso gabe, baina etxean jokatu duten jardunaldi honetan ezin izan zioten aurre egin indarrez zelairatu zen Racing El Ferrol taldeari.
Partidua oker hasi zen irundarrentzat. Lehen zatiko laugarren minutuan, Racingek egin zuen lehen saiakerarekin baloia sare barrenera sartzea lortu zuen. Etxekoak honi aurre egiten saiatu baziren ere, ezin izan zuten markagailua berdindu. Are zailagoa egin zitzaien, ordu erdi beranduago etsaiek bigarren gola sartu zutenean. Atsedenaldia 0-2koarekin hasi zen Stadium Galen.
Bigarren zatia ere joera berarekin jarraitu zuten bi taldeek. Real Unioneko entrenatzaileak aldaketak egin zituen, Nuñez eta Pradera eseri eta Oyarzun eta Temenuzhkov jokalariak atera zituen zelaira arerioaren jokoari erantzuteko asmoz. Hala ere, ez zuten aukera garbirik eduki markagailua iraultzeko, eta gainera Racingen aldetik hirugarren eta azken gola ere jaso zuten, neurketa amaitzeko zazpi minutu falta zirenean.
Aitor Zulaika entrenatzailea etsituta azaldu zen ondorengo prentsaurrekoan: “Gaur Racing El Ferrolek gure lekuan jarri gaitu. Erraz irabazi dute neurketa. Zelai erdian partidu on bat egitearekin nahiko izan dute 0-3koa egiteko”. Gainera, porrota honen arrazoia zein zen ere azaldu nahi izan zuen: “Ez denean lan egiten, zelaian ikusten da, eta hori pasatu da gaur. Lotuta dago guztia. Zorretan gelditzen gara, barkamena eskatzearekin bakarrik alferrik da”.
(Argazkia: Haimar Marcos)
Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...