22 Mar, 2022
REAL UNION B GARAIPENAREKIN ITZULI ZEN IRUNERA
Txuribeltzek 0-2ko markagailuarekin amaitu zuten Allerru KEren aurka jokatutako neurketa
Ohorezko Errejional Mailako Real Union B taldeak denboraldiko 26. jardunaldia jokatu zuen larunbatean Lezoko Allerru KE-ren kontra. Hauek irundarren aurkari zuzenak ziren jaitsiera postuetatik aldentzeko, eta bisitariek lezotarrak 0-2ko markagailuarekin mendean hartzea lortu zuten.
Carlos Garciaren lehendabiziko neurketa zen Real Union B taldearen entrenatzaile bezala, eta arrakastarekin amaitu zuten, bai berak eta baita taldeak ere, jardunaldia. Irundarrak sendo eta kontzentratuta atera ziren zelaira eta 18. minuturako lehen gola sartzea lortu zuten, Carrilloren eskutik. Txuribeltzek, hortik aurrera, markagailua beraien alde mantendu zuten eta errenta handitzea ere lortu zuten neurketaren 84. minutuan. Orduan, Rodriguezek sartu zuen baloia sarean penalti baten bitartez. Horrela, 0-2ko markagailua ezarri zuen Real Unionek eta garaipenarekin itzuli zen berriz ere Irunera.
Asteburu honetan berriz, etxean arituko dira irundarrak. Oraingo honetan, Aretxabaleta KE jaso beharko dute Galeko anexoan, arratsaldeko 16etan.
REAL UNION ROCARI IHES EGIN ZION GARAIPENAK
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...
REAL UNIONEK PORROTA JASO ZUEN PONFERRADINAREN KONTRA
Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
FRAN JUSTO: “ONGI ENTRENATU BEHAR DUGU, LASAI EGON ETA IGANDEAN LEHIATZERA ATERA”
Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren...
