REAL UNION B-K EUSKALDUNAREN AURKA IRABAZI ZUEN
Futbola

REAL UNION B-K EUSKALDUNAREN AURKA IRABAZI ZUEN

Irundarrek 0-2ko markagailua eskuratu zuten larunbatean Andoainen

Garaipenik eskuratu gabe zeuden Real Unionekoak orain dela bi astetik, baina horri buelta eman eta asteburu honetan Euskalduna taldea menderatzea lortu zuten, joko oso onarekin gainera. Ubitarte zelaian jokatu zen partida, larunbatean, eta 0-2ko markagailua eskuratu zuten irundarrak, galduak zituzten hiru puntuak berreskuratuz.

Lehendabiziko zatian, Euskalduna gogor zelairatu zen eta txuribeltzak estutzen ibili zen lehen 20 minutuetan. Bi aukera garbi sortu zituzten, baina, Real Unioneko atezainak jakin zuen honen aurrean sendo mantentzen eta aukerak bertan behera utzi zituen. Gainera, Martinez de Lizak sartutako gol batekin, irundarrek buelta eman zioten neurketari. 0-1eko markagailua eskuratuta, Egoitz Sayarren mutilak nagusitu ziren eta geroztik, norgehiagoka kontrolatu egin zuten atsedenaldira iritsi arte.

Bigarren zatiaren hasieran berriz, etxeko taldea indarberritu zela ematen zuen eta berdinketaren bila atera ziren zelaira. Berriz ere, gogor estutu zuten baina oraingo honetan ez zuten aukerarik sortu eta, amore emanda, Real Unionek berriz ere neurketa bereganatu zuen. Horrela, partidaren 77. minutuan, Herrerok bigarren gola lortu zuen penalti baten bidez, eta markagailua behin betiko 0-2koarekin utzi zuen.

Egoitz Sayar entrenatzaileak aipatu zuen moduan, “gogorra izan zen hasieran, kostatu zitzaigun, baina gero neurria hartu genion”. Prestatzailea, gainera, oso pozik zegoen taldea erakusten ari den mailarekin, eta poliki-poliki maila honetako neurketen dinamika bereganatzen ari dela ere onartu zuen: “Taldeak oso serio hasi du urtea. Gure dinamika oso ona da eta oso pozik nago jokalariekin. Lan gogorra egiten ari dira eta konfiantzaz ikusten ditut”.

Real Union, beharrezkoak zituen hiru puntuak berreskuratuta, hurrengo igandean etxean arituko da Eibarren aurka, eguerdiko 12etan. 

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika