Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker
Real Unión Roca:...
16 Mai, 2022
Talde txuribeltzak 3-1eko markagailuarekin eskuratu zuen garaipena Talaveraren kontra
Real Unionek, pasa den larunbatean, 3-1eko markagailuarekin hartu zuen mendean Talavera. Ez zen partidu erraza izan, baina talde irundarrak beharrezkoa zuen garaipena eskuratu zuen, sailkapenean puntuak batuz eta play-offetarako postuekin amesten jarraituz.
Neurketa hasi eta lehen aukera Talaverarena izan zen. 12. Minutuan Monroyk area kanpotik jaurti zuen baloia eta Irazustaren besoetara bota zuen. Sei minutu beranduago, Oyarzunek izan zuen aukera modu berean aurretik jartzeko, baina Sousak urrundu egin zuen. 25. minutuan, aurkariak saiatu ziren berriro eta oraingoan arrakasta izan zuten. Pichinek jaurtiketa egin eta Real Uniongo atezainak ezin izan zuen hau gelditu. Hala ere, etxeko taldeak segidan berdindu zuen markagailua. 28. minutuan, Bravok baloiari kolpea eman eta kontrako atean sartu zen.
Bigarren zatia bana berdinduta hasi zuten bi taldeek, baina 60. minutuan aurretik jartzea lortu zuten txuribeltzek. Oyarzunek ezker hegaletik erdiraketa egin eta Bravok buruz errematatu zuen, gol izugarria eskuratuz. Hortik aurrera, Real Unionek neurketa kontrolatzen jakin zuen. Gainera, Nacho Sanchezek ezker hegaletik sartu ondoren, penaltia atera zuen, eta Riverok 3-1ekoa ere eskuratu zuen etxeko taldearentzat.
Garaipen honekin, Real Unioni neurketa bakar bat falta zaio denboraldia amaitzeko. Extremaduraren kontrako partidua bertan behera geldituta, eta puntu horiek batuta, 57rekin egongo da talde irundarra. Horrela, maiatzaren azkeneko asteburuan, Tudelanoren aurka jokatuko du, play-offetarako postu horiek lortzeko borrokan.
(Argazkia: Haimar Marcos)
Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker
Real Unión Roca:...
Solísen eskutik ailegatu zen txuribeltzek markagailuan berdintzeko baliatu zuten gola
Real Unionek banako markagailua erdietsi zuen pasa den...
Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan
Real Unionek SD Logroñes bisitatuko du larunbat...
Binako markagailua erdietsi zuen Carlos Garciaren taldeak azken minutuan Elgoibarren kontra
CD Elgoibar: Mosquera; Moya, Barrenechea,...