REAL UNION ROCAK MAILAZ IGOTZEKO TXARTELA ESKURATU DU
Futbola

REAL UNION ROCAK MAILAZ IGOTZEKO TXARTELA ESKURATU DU

Axular mendean hartuta, talde irundarrak gizonezkoen Ohorezko Erregional mailan jokatuko du datorren denboraldian

Real Union Roca: Flores, Sagredo, Arteaga (Sanchez, 46. min.), Olaciregui, Cabo; Gordo, Corvo (Arzuaga, 77. min.), Ollo (Letamendia, 60. min.), Rodriguez (Fernandez, 75. min.), Herrero; Palenzuela (Chacon, 75. min.).

Axular KKE: Arrieta; Baena, De la Herran, Azurmendi, Gomez (Ibarra, 33. min.); Irurozki (Mendiluce, 50. min.), Aguirre, Echarri, Fachado (Lizarraga, 57. min.), Gutierrez; Insausti (Monreal, 53. min.).

Emaitza (4-0): 1-0, Arteaga (12. min.); 2-0, Ollo (15. min.); 3-0, Palenzuela (67. min.); 4-0, Cabo (87. min.).

Epailea: Asier Lapazaran de la Hoz. Txartel horia atera die Arteagari (39. min.) eta Sanchezi (80. min.) Real Union Roca taldean eta Aguirreri (32. min.) Axular KKE taldean. Txartel horia atera dio ere Igor Carballo Axular KKE taldeko entrenatzaileari (67. min.).

Bestelakorik: Gizonezkoen Gorengo Erregional mailako 28. jardunaldia. Galeko anexoa. 300 ikusle inguru.

Real Union Rocak Axular taldea hartu zuen mendean pasa den asteburuan eta garaipen honen ondotik, mailaz igotzeko aukera irabazi du talde irundarrak. Bere mendeurrenean, denboraldiko helburu nagusia lortu dute Carlos Garciaren mutilek, 28 jardunalditan 21 partidu irabazita.

Axularren kontrako neurketan nagusi izan zen Real Union Roca. 90 minutuetan oso indartsu ibili ziren Carlos Garciaren mutilak eta lehen ordu laurdenean bi gol sartu zituzten, lehena Arteagaren eskutik (12. minutuan) eta bigarrena, Olloren eskutik (15. minutuan). Bigarren zatian berriz, bi goleko abantailarekin nahikoa ez, eta bertze bi gol sartu zituen Real Union Rocak. 67. minutuan, Palenzuelak txilenaz sartu zuen baloia sarera eta 85. minutuan berriz, Cabok laugarrena egin zuen, korner bat errematatu ondotik.

Denboraldia bukatzeko bi jardunaldi falta dira eta irundarrek dagoeneko badakite Ohorezko Erregional mailara igoko direla. Honekin, denboraldi eder bat borobilduko dute, helburu nagusiak beteta gainera. Guztira, 28 jardunalditik, 21 irabazi dituzte irundarrek, 5 berdindu eta 2 galdu. Horietan guztietan, 68 gol izan dituzte alde eta 14 kontra.

(Argazkia: Aimar Lasa)

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika