“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
11 Ira, 2023
Talde txuribeltzak bigarren garaipena eskuratu zuen atzo etxean, Rayo Majadahondaren kontra, eta sei puntu batu ditu dagoeneko sailkapenean
Real Unionek denboraldiko bigarren garaipena eskuratu zuen atzo etxean, Rayo Majadahondaren kontra. Galen bi partidu segidan irabazi dituzte, eta sei puntu garrantzitsu batu dituzte dagoeneko bertan. Sailkapeneko hirugarren postuan kokatu dira horrela txuribeltzak, Ponferradina eta Gimnastic de Tarragonaren gibeletik.
Denboraldiko hirugarren jardunaldia jokatu zuten atzo arratsaldean Real Unioneko jokalariek. Rayo Majadahonda jaso zuten horretarako Galen eta garaipen zabala eskuratu zuten hauen kontra. Partidua aurkarien taldeko Juanjoren kanporaketak markatu zuen. Lehen ordu erdian epaileak txartel gorri zuzenarekin kanporatu zuen jokalaria eta orduz geroztik, bat guttiagorekin aritu zen Rayo. Talde txuribeltzak hau aprobetxatuta bere jokoa inposatu zuen eta markagailuan aurreratzen hasi zen. 40. minutuan Solis izan zen taldea aitzinetik jarri zuena. 1-0ekoarekin atsedenaldira joanen zirela uste zutenean berriz, Oyarzunek 2-0eko ezarri zuen bertze gol olinpiko batekin. Hala ere, epaileak Escobarri eman zion gola, erremate lerroaren gainean egin zuela ebatzita.
Bigarren zatian, Real Unionek bere nagusitasunarekin segitu zuen. Lehen abagunean hirugarren gola sartu zuen Solisek, bere bigarrena jardunaldi berean. Aldaketek erritmoa moteldu bazuten ere, etxekoek izan zuten baloiaren jabetza eta azken sei minutuan Cerdák aukera izan zuen laugarrena sartzeko. Ez zuen atean asmatu, baina luzapenean bai iritsi zen azken gol hori. Cordobak, 92. minutuan, 4-0ekoa ezarri zuen behin-betiko.
Sei puntuak irabazita, bi neurketako asteari aurre egin beharko diote orain txuribeltzek. Asteazken honetan, 19:30ean, Derioren kontra jokatuko du Federazio Kopako fase autonomikoko finala. Larunbatean berriz, 19:30ean ere, Arenteiro bisitatuko dute denboraldiko laugarren jardunaldia jokatzeko.
(Argazkia: Barbara Duarte)
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...