22 Aza, 2021
Garaipen honekin irundarrek hiru puntu irabazi zituzten sailkapenean
Atzo igandean, arratsaldeko 17etan hasita, Real Unionek denboraldiko hamahirugarren jardunaldia jokatu zuen SD Logroñes taldearen aurka, Las Gaunas zelaian. Partidu on batekin ondotik, irundarrek sailkapenean hiru puntu garrantzitsu gehitzea lortu zuten.
Lehenengo zatian Real Unionek aukera bat izan zuen baloia sarean sartzeko, Chema Nuñezek egindako jaurtiketarekin, hain zuzen ere, baino ez zuen asmatu eta kanpora joan zitzaion. Logroñesek ere bi aukera garbi izan zituen, baina biak ere hutsean geratu ziren, nahiz eta bigarrena oso gertu egon goletik. Horrela, atsedenaldira 0-0 markagailuarekin ailegatu zen partidua.
Bigarren zatian berriz, 59. minutuan hain zuzen ere, irundarrek Pradera jokalariaren ostikoarekin gola sartzea lortu zuten, 0-1 lortuz. Nahiz eta aukera gehiago izan, bigarren gola ez zen luzapenera arte ailegatu. Real Unionek ez zuen amore eman azken momentura arte, eta neurketako 93. minutuan Kun Temenuzhkovek sartu zuen baloia atean, 0-2 markagailua lortuz jardunaldia bukaerarako.
Aitor Zulaika entrenatzaileak, partidu osteko prentsaurrekoan aipatu zuen moduan, “irabazteko modua da garrantzitsua eta guk modu egoki batean egin dugu. Partidu konpletua egin behar da hemen irabazteko. Hasieran kostatu zaigu pixka bat, baino jokalariek gaur egin duten lana goraipatu behar da”.
Hiru puntu gehiago irabazita, Real Union sailkapeneko hamargarren postuan kokatuta dago orain 20 punturekin, bederatzigarren eta zortzigarren postuan dauden Badajoz eta Leonesa taldeekin berdinduta.
(Argazkia: SD Logroñes)
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...