Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
13 Ots, 2022
Logroñes UD taldearen aurkako neurketa 1-1eko berdinketarekin amaitu zen atzo
Atzo Real Union Klubak egitarau zabala antolatu zuen arratsaldeko neurketa girotzeko asmoarekin, eta Stadium Galera 1.500 zale erakartzea lortu zuen. Horrela, txuribeltzek ikusleen berotasuna sumatuta, partida ederra jokatu zuten eta 1-1ko berdinketa eskuratu zuten Logroñes UD taldearen aurka.
Real Union indarrez zelairatu zen eta lehendabiziko mitutuetan gola sartzeko bi aukera garbi izan zituen dagoeneko, baina jokaldia korner batean amaitu zen. Hamaikagarren minutuan berriz, Logroñesek izan zuen aukera eta hauek bai errematatzea lortu zutela, markagailuan aurrea hartuz. Etxekoek beste bi aukera izan zituzten atsedenaldia baino lehen, baina ez zuten lortu baloia sarera sartzea, ezta Logroñokoek ere. Beraz, lehendabiziko 45 minutuak 0-1eko markagailuarekin bukatu zituzten.
Bigarren zatian ere, Logroñesek izan zuen lehendabiziko aukera, baina ez zuen lortu bi taldeen arteko aldea handitzea. Gainera, 69. minutuan, Real Union aurkariekin bat egin zuen markagailuan, Nacho Sanchezek area kanpotik egindako jaurtiketa sarera sartu baitzen. Aurretik jartzeko aukera ere izan zuten etxekoek, azken minutuetan Bravok egindako jokaldi batekin, baina azkenean ez zuten asmatu, eta 1-1eko berdinketarekin amaitu zen neurketa.
Aitor Zulaikak, partidaren ondoren, Stadium Galen bizi izan zen giroa eta emanaldia goraipatu zituen: “A ze lana egin duen Real Unionek talde handi baten aurka! Gainera, sentsazio oso onak izan ditugu, batez ere bukaeran, eta giro ezinhobea egon da Galen. Laburbiltzeko, arratsalde oso polit bat futbolean zentzu guztietan”. Neurketak zuen zailtasuna ikusita, entrenatzaileak jokalarien lana azpimarratu nahi izan zuen baita ere: “Talde oso handi baten aurka jokatu dugu. Oso momentu onean daude eta talde gutxi izan dira gai beraiek aurretik jarrita, bukaeran berdintzeko”.
Ekhi Senar jokalariak ere azaldu zuen “oso berdindua izan da partidua, bakoitza bere estiloarekin. Beraiek aurrea hartuta, zaila zen partidua berdintzea. Aukera batzuk izan ditugu eta bat sartuta berdinketa zuzena izan da biontzat”.
(Argazkia: Haimar Marcos)
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...
Sestaok sartutako bi penaltiekin, 3-1eko emaitzarekin galdu zuen Real Unionek
Real Unionek porrota jaso zuen pasa den larunbatean Las Llanas...
Real Unionek bihar bisitatuko du Sestao River (20:00), zalerik gabe jokatuko den neurketa ospatzeko
Real Unionek, pasa den asteburuko garaipena...