“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
22 Api, 2024
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu zuen pasa den igandean Galen, Unionistas de Salamanca taldearen kontra. 3-1eko markagailuarekin, jardunaldiko puntuak poltsikoratu zituzten txuribeltzek eta horrela, maila mantetzeko helburutik pixka bat hurbilago daude, jeitsierako postuetatik ere aldenduz.
Lehen zatian agintzen hasi zen Unionsitas, baina Real Union ongi kokatu zen gibelean eta aukerak ere sortu zituzten markagailua euren alde jartzeko. Escobarrek izan zuen lehena, hamargarren minutuan, kornerrean bukatu zena. Ordu erdia pasa tuta, Lunak izan zuen eskuin hegaletik gola sartzeko aukera, baina jaurtiketa gora joan zen.
Bigarren zatiaren hasieran ailegatu zen etxekoen lehen gola. 57. minutuan, Escobarrek Josecaren erdiraketa errematatu zuen eta 1-0ekoa ezarri zuen bere taldearen alde. Bisitariek erantzun eta partidua berdintzeko puntuan izan ziren, hala ere Irazustak ongi bideratu zuen baloia kornerrera. Etxekoek ireki zuten markagailuan hutsunea hurrengo minutuetan. Hutsean geratu zen aukera baten ondotik, Solísek (79. minutuan) sartu zuen taldearen bigarren gola. Lehen jokaldi batean, Benitori pasatu zion baloia eta azken honen jaurtiketa ongi gelditu zuen atezain bisitariak. Hala ere, gibelean Solís ongi kokatu zen eta baloia berriz ere bere hanketan hartu eta, orduan bai, atean sartu zen jaurtiketa.
Sei minutuko luzapena izan zuen partiduak eta urduritasuna izan zen nagusi orduan. 94. minutuan, Slavyk aldea murriztu zuen gol batekin, baina ez zen nahikoa izan garaipenak ihes egitko. Gainera, 96. minutuan, Benitok hirugarren gola sartzeko aukera aprobetxatu zuen eta 3-1eko emaitza ezarri zuen behin-betiko.
Hiru puntu gehiagorekin, jeitsiera postuetatik aldendu da pixka bat Real Union. Hala ere, garaipenak batzen segitu beharko du denboraldia lasaitasunarekin bukatzeko. Hori egiteko hurrengo aukera Taxoaren izanen du Fran Justoren taldeak, larunbatean (apirilaren 27an) Osasuna Promesasen kontra, 16:00etan.
(Argazkia: Barbara Duarte Fotografia)
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...