Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
14 Aza, 2022
Neurketa berdinketan bukatu behar zela zirudienean, Nacho Sanchezek garaipenaren gola sartu zuen luzapeneko laugarren minutuan
Real Unionek Errege Kopako lehen kanporaketa gainditu du eta bigarren fasera pasatzeko txartela eskuratu du, Cadiz txapelketatik kanpo utzita. Hain zuzen ere, atzo arratsaldean bi taldeen artean jokatutako neurketan etxeko taldeak 3-2ko markagailuarekin garaitu zituen andaluziarrak, Nacho Sanchezek luzapenean sartutako golari esker.
Talde txuribeltzak garaipen landua eskuratu zuen atzo arratsaldean Cadizen kontra Errege Kopako lehen kanporaketan. Bi taldeek aukerak izan zituzten lehen minutuetatik, baina 15. minutuan iritsi zen Cadizen errematea. Lucas Perezek 0-1ekoa ezarri zuen markagailuan, Joel Jimenezek gelditu ezin izan zuen baloi bat sarera sartuz. Hala ere, Real Unionek segidan erantzun zion honi. Hurrengo jokaldian Nacho Sanchezek Seguinen pasea aprobetxatu eta berdinketa eskuratu zuen. Horrela, 1-1ekoarekin iritsi zen partidua atsedenaldira.
Bigarren zatian emaitza hau iraultzeko asmoarekin zelairatu ziren Aitor Zulaikaren mutilak eta saiakerak egin zituzten horretarako ere. Hala ere, Cadiz izan zen berriz ere aitzinetik jarri zena. Hain zuzen ere, 60. minutuan ezarri zuten 1-2koa Negredok sartutako gol bati esker. Hemeretzi minutu beranduago, ordea, Ivan Perezek baloia sarera sartu eta 2-2koa ipini zuen markagailuan. 90 minutuak bukatuta, binako berdinketa zuten bi taldeek eta luzapenean etorri zen Real Unionen garaipena. Nacho Sanchezek berriro, 30 metrotik egin zuen jaurtiketa eta sare barruan asmatu ahal izan zuen, 3-2koa ipiniz eta Cadiz Errege Kopatik kanporatuz.
(Argazkia: Mikel Blasco)
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...