Igandean santanderrekoak hiru puntu eskuratu zituzten Stadium Galen irundarrei 1-2 irabazi ondoren

Urriaren 31n, Real Unionek Racing taldea jaso zuen etxean hamargarren jardunaldia jokatzeko. Partidua minutu bateko isilunearekin hasi zen, Javier del Pozo, jokalari oiharen, eta Borja Saldias, taldeko fisioterapeuta eta berregokitzailearen ama zenaren Ana Mari Reteguiren omenez. Horren ondoren, lehen zatiari hasıera eman zioten eta 22. minutuan ailegatu zen irundarren lehendabiziko aukera. Lau minutu geroago, Racing-ek izan zuen bere abagunea, baina biak ere antzuak izan ziren.

Bigarren zatian berriz, bi taldeak erasokorrago aritu ziren eta aukera gehiago izan zituzten. Hasi eta lau minututara, Sergio Llamasek izan zuen lehendabizikoa, nahiz eta ez zuen errematatzea lortu. Racing-en okasioa, 50. minutuan ailegatu zen, baina Irazustak lan ona egin zuen baloia gelditzen. Bi minutu beranduago, bigarren parada izan buen Real Unionek Alain Oyarzunen jaurtiketarekin, baina honek ere ez zuen emaitza onik ekarri, ezta 52. minutuan Nacho Sanchezek egin zuen jaurtiketak ere.

Real Unionek, 75. minutuan errematatu zuen lehendabiziko eta azkeneko aldiz partiduan. Riverok sartu zuen gola santanderrekoei aurreratuta eta markagailua 1-0 utziz. Zazpi minutu beranduago, Racing-en momentua iritsi zen eta Bustosen golarekin partidua berdinduta geratu zen. 85. minutuan aldiz, markagailua santanderrekoen alde jarri zen Harperren golarekin, eta irundarrek ezin izan zioten honi aurre egin partidua amaitu baino lehenagotik.

Partidua zaila izan zen Real Unionentzat, batez ere, tentsioz betetako azken hamar minutu horiengatik. Nahiz eta ondo lan egin eta lehendabizikoak izan markagailua beraien alde jartzen, ezin izan zioten horri eutsi eta azkenean, santanderrekoek eraman zituzten hiru puntuak etxera.

Hurrengo igandean izango du Real Unionek hau konpontzeko aukera, bere aurretik puntu batera dagoen UD San Sebastian de los Reyes taldearen aurka jokatuko duen jardunaldian.

(Argazkia: Haimar Marcos)