Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
22 Abu, 2022
Berdinketa batekin eta hiru porrotekin bukatu zuen Lehen RFEF Mailako Denboraldi Hasierako I. Torneoa
Asteburu honetan Real Unionek Hirugarren Mailako Futbol Taldeen Elkarteak antolatutako Lehen RFEF Mailako Denboraldi Hasierako I. Torneoan parte hartu du. Talde txuribeltzak ez zuen garaipenik lortu txapelketan eta berdinketa batekin eta hiru porrotekin bueltatu zen Madrildik etxera.
Ostiralean eman zioten hasiera Torneoari eta Real Unionek UD Sanse taldea izan zuen lehen aurkari. Partida 18. minutuan erabaki zen Sanseren alde. Alain Oyarzunek hutsegite bat egin eta Arturok aprobetxatu zuen gola sartzeko. Bigarren neurketa berriz, Linenseren aurka jokatu zuen Irungo taldeak eta orduan, berdinketa lortu zuen. Bigarren minutuan aurretik jarri ziren Aitor Zulaikaren mutilak, Gaguak sartutako golarekin, baina 19 minutu beranduago, Linensek markagailua behin-betiko berdintzea lortu zuen.
Larunbatean azken bi partidak jokatu zituzten. Lehenengoa Linaresen aurkakoa izan zen eta hori ere neurketaren laugarren minutuan erabaki zen aurkariaren alde. Bigarren eta azken norgehiagoka, Rayo Majadahondaren kontra jokatu zuen Real Unionek eta hau ere 0-2koarekin galdu zuen.
Aitor Zulaikak Madrilgo torneoak taldean “zapore gazia” utzi duela azaldu zuen: “Errealitatea ikusteko balio izan digu eta zapore gazia utzi digu. Torneo txarra egin dugu zentzu guztietan. Jokatutako 45 minutuko lau partiduetatik, hiruetan erraz gainditu digu aurkariak”.
Argazkia: Real Union Club
Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...