25 Ira, 2022
Talde irundarrak 1-2 galdu du etxean CD Alcoyanoren aurka
Real Unionek 1-2ko markagailuarekin galdu du gaur eguerdian CD Alcoyanoren kontra jokatutako neurketan. Aitor Zulaikaren mutilak berdinketa lortu dute partiduko bigarren zatian, baina talde bisitariak beste gol bat sartuta, bostgarren jardunaldiko puntuak bereganatu ditu Stadium Galen.
Neurketa hasi eta hamaikagarren minutuan aurreratu da Alcoyano. Paradak Agüerori egindako penalti bati esker, Agüerok berak sartu du partiduko lehen gola. Real Union honi buelta ematen saiatu bada ere, lehen zatiko abagune guztiak aurkariarenak izan dira, nahiz eta honek ere ezin izan dituen aukera horiek errematatu.
Bigarren zatia, 0-1eko markagailuarekin hasi dute bi taldeek. Aitor Zulaikak atsedenaldian egindako bi aldaketak ongi etorri zaizkio talde txuribeltzari. Alde batetik, txartela hori zuen Jaso aldatu du Aranbururengatik. Beste aldetik, Agirre zelaitik atera eta Sanchez sartu da. Hain zuzen ere, azken hau izan da markagailura berdinketa ekarri duen jokalaria. 76. minutuan, area kanpotik baloia jaurti eta eskuadratik gola sartzea lortu du, 1-1ekoa ezarriz. Hala ere, lau minutu beranduago, Alcoyano berriz ere aurreratu da eta Casanovak sartutako bigarren golarekin, 1-2ko markagailuarekin bukatu da neurketa.
(Argazkia: Amaia Zabalo)
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...