26 Ots, 2024
Kataluniarrek partiduaren bukaera aldera asmatu zuten aurkariaren atean eta horrela, punturik batu gabe bueltatu ziren irundarrak etxera
Real Unionek porrota jaso zuen pasa den larunbatean Nova Creu Alta zelaian, Sabadell taldearen kontra. Hutsera berdinduta ailegatu ziren bi taldeak partiduaren azken Satire, baina Restak garaipenaren gola lortu zuen etxekoentzat eta horrela, punturik batu gabe bueltatu ziren irundarrak etxera.
Lehen zatitik agintzen hasi zen Sabadell eta Real Unioni kosta egin zitzaion areatik ateratzea, nahiz eta bere eremua ongi defendatzen jakin zuen. Hala ere, lehen berrogeita bost minutuan motel joan ziren eta abagune gutti izan zituzten bi taldeek ere. Etxekoek kornerra atera eta irundarrak jaurtiketa urruntzeko gai izan baziren ere, aldaratzean Damarri ailegatu zitzaion baloia eta Sabadellek markagailua bere alde jartzeko aukera izan zuen. Hala ere, ezin izan zuen aprobetxatu, jaurtiketak zutoinean jo zuelako. Irundarrek berriz, lehen zatiaren luzapenean izan zuen gola sartzeko aukera, Solísek ateratako korner batean. Feenyek ongi errematatu zuen, baina ezin izan zuen atean asmatu.
Bigarren zatian talde txuribeltzak hobeki zelairatu zen eta 54. minutuan izan zuen markagailuan aitzina hartzeko aukera. Solísek baloia lapurtu eta lerro arteko pasea egin zion Benitori. Edonola ere, azken honek ezin izan zuen Ortoláren aitzinean asmatu. Iñigo Idiakezen mutilak ongi jokatzen ari ziren aurkariaren gola ailegatu zenean. 79. minutuan, Restak gola sartu zuen eta etxekoen alde jarri zuen markagailua behin-betiko. Horrela, hiru puntuak Sabadellen gelditu ziren eta txuribeltzak esku hutsik bueltatu ziren Irunera.
Heldu den igandean, martxoaren 3an, Real Union Galen ariko da, Barça Atlètic taldearen kontra, 16:00etan.
(Argazkia: CE Sabadell)
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...