27 Urt, 2022
Irundarrek 1-2ko markagailuarekin irabazi zuten Celta B taldearen aurka
Real Unionek atzo arratsaldean jokatu zuen denboraldiko 20. jardunaldia, Balaidos zelaian, Celta B taldearen aurka, eta arrakastarekin amaitzea ere lortu zuen. Izan ere, txuribeltzek 1-2ko markagailuarekin irabazi zioten Celtari eta honekin, garrantzi handiko hiru puntu gehitu zituzten sailkapenera.
Lehenengo zatitik Real Union Celta baino gehiago izan zen zelaian, eta hori zortzigarren minutuan sartu zuen golarekin ikusi ahal izan zen. Mario Capeletek eskuin hegaletik baloia erdiratu eta Carlos Bravok buruz errematatu zuen jokaldia, baloia sare barrura sartuz. Celtak horri erantzuten saiatu zen hurrengo minutuetan, baina ezin izan zituzten aukerak aprobetxatu. Gainera, irundarrek bigarren gola sartu zuten atsedenaldia baino lehen, eta horrek ere atsekabeturik utzi zuen etxeko taldea. 34. minutuan, hain zuzen ere, handitu zuten zuloa markagailuan Real Unionekoek. Aitor Seguinek ezker hegaletik bota zuen baloia eta Capeletek gola sartzeko abagunea izan zuen, Celtako defentsak huts egin ondoren.
Partiduaren bigarren zatia 0-2ko markagailuarekin hasi zuten bi taldeek, eta horrela jarraitu zuten azken momentura arte. Real Unionek bi aukera garbi izan zituen neurketaren zati honetan, baina ezin izan zituen goletan bilakatu; bata Bravok area kanpotik egindako jaurtiketa izan zen, eta bestea Seguinek egin zuen jokaldia, Celtako Ruly Garciak oztopatu zuena. Hala ere, irundarrek ongi eutsi zioten markagailuari 85. minutura arte, Javi Gomez aurkariak gola sartzea lortu zuen arte hain zuzen ere. Azken bost minutu hauetan, neurketa guztiz aldatu zen eta, Real Unionen urduritasuna baliatuz, Celta nagusi izan zen. Gainera, berdintzeko aukera ere aurkeztu zitzaion etxeko taldeari, baina atearen eskuadran jo zuen Rulyk botatako baloiak. Horrela, Real Unionek 1-2ko markagailuarekin garaipena eskuratu zuen azkenean.
Norgehiagoka honen ondoren eta hiru puntu gehiago irabazita, Aitor Zulaikaren mutilak 33 puntu batu dituzte sailkapenean, eta bostgarren postuan kokatu dira. Lorpen honekin ekingo diote hurrengo igandean 21. jardunaldiari. Oraingo honetan, Real Unionek Valladolid Promesas taldea jasoko du Stadium Galen, arratsaldeko 17etan.
(Argazkia: RC Celta)
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...