“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
10 Urr, 2022
Amorebietak bi gol sartu zituen lehen 15 minutuetan, baina talde txuribeltzak horri buelta ematen jakin zuen
Real Unionek 4-3ko markagailuarekin garaitu zuen Amorebieta, igande eguerdi zoro batean. Neurketa hasi eta berehala, talde bisitariak bi gol eskuratu zituen eta aurretik jarri zen. Etxekoek berdinketa lortu bazuten ere, Amorebietak denboraz kanpo beste gol bat sartu eta atsedenaldirako 2-3koa ezarri zuten. Bigarren zatian, Real Unionek bere lekua hartu eta markagailua iraulita, aurkaria garaitzea lortu zuen azkenean.
Epaileak partida hasi zela adierazi eta hurrengo minutuan sartu zuen Amorebietak lehen gola. Zelai erditik baloia atera eta Jauregik bere hanketan eraman zuen Irazustaren aurrean bakarrik geratu arte. Bertan, jaurtiketa egin eta lehen gola eskuratu zuen. 14 minutu beranduago, Jauregik berriz area kanpotik jaurti eta baloia sarera sartu zen bigarren aldiz. Hala ere, etxeko taldeak ez zituen besoak jaso eta Sanchezek, lau minutu geroago, Real Unionen lehen gola sartu zuen. Ez hori bakarrik, 22. minutuan, Alain Oyarzunek kornerra atera eta Aranburuk buruz berdinketa ezarri zuen markagailuan. Atsedenaldia berdinketarekin hasiko zutela uste zutenean aldiz, Jauregik jardunaldiko hirugarren gola sartu zuen eta Amorebietaren alde jarri zuen bertze behin markagailua.
Real Unioneko jokalariak “arima zelaian uztera” atera ziren zelaira bigarren zatian, Aitor Zulaikak eskatu bezala, eta honek fruituak eman zituen markagailuan. 62. minutuan, Sanchezek penaltiz sartu zuen bigarren berdinketaren gola, baita 76. minutuan ere. Azken gol honek gainera, 4-3koa ekarri zuen behin betiko Real Unionenen alde. Behin 90 minutuan bukatuta, ia beste 10 izan zituzten jokalariak luzapenean, baina etxeko taldeak markagailua bere alde mantentzen jakin zuen eta puntuak Galen geratu ziren.
Honen ondotik, Real Unionek Federazio Kopako final-laurdenak gainditu beharko ditu asteazken honetan, Stadium Galen, arratsaldeko 17:00etan. Neurketa Terrassa FC taldearen kontra jokatuko dute. Partida hau Errege Kopa jokatzeko txartela eskuratzeko azken urratsa izanen da irundarrentzat.
(Argazkia: Gio Batista)
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...