16 Urr, 2023
Bigarren zatian sartu zituen Celta Fortunak hiru golak
Real Unionek 3-0 galdu zuen pasa den larunbatean Celta Fortuna taldearen kontra jokatutako neurketan. Lehen zatia hutsean bukatu zuten bi taldeek, eta bigarrenean iritsi ziren etxekoen hiru golak. Ia segidan lortu zituzten hiruak eta horrela, txuribeltzek ezin izan zuten tartea murriztu. Hiru puntuak galduta, sailkapeneko hirugarren postuan dago orain kokatuta talde irundarra.
Lehen zatian Real Unionek izan zituen markagailuan aurrea hartzeko aukera gehienak. Hala ere, ezin izan zuen atean asmatu eta golik gabe iritsi zen atsedenaldira. Celta Fortunak ere pare bat abagune garbi izan zituen. Lehena, 11. Minutuan, eta bigarrena atsedenaldia baino lehen. Hala ere, Irazustak lan ona egin zuen atean eta hutsean utzi zuen euren markagailua ere.
Bigarren zatian berriz, etxekoek eskuratu zituzten puntuak. Aldageletatik bueltan, hiru minutura, Javi Ruedak gola sartu zuen eta aitzina hartu zuen horrela. Hurrengo jokaldian bertze aukera berri bat izan zuten galiziarrek, baina bertze behin Irungo kapitainak ongi gelditu zuen. 54. minutuan, etxekoek bigarrena sartu zuten, Fer Lopezen bidez. Azkenik, 64. minutuan, Raul Blancok sartu zuen hirugarrena eta azkena. Horrela, 3-0eko emaitzarekin, puntuak Vigon gelditu ziren eta txuribeltzak eskuhutsik bueltatu ziren Irunera.
Aste honetan, akatsak zuzendu eta datorren asteburuko partidua prestatu beharko dute. Oraingo honetan, etxean arituko dira, Galen, heldu den igandean (urriaren 22an), 16:00etan, Ponferradina taldearen kontra.
(Argazkia: Celta Fortuna)
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...