REAL UNIONEK PUNTU BAT GEHIAGO BATU ZUEN SAILKAPENEAN
Futbola

REAL UNIONEK PUNTU BAT GEHIAGO BATU ZUEN SAILKAPENEAN

Talde txuribeltzak markagailua berdintzea lortu zuen partiduaren azken bost minutuetan

Real Unionek bina berdinduta bukatu zuen pasa den larunbatean, etxean, Intercityren kontra jokatutako neurketan. Aurretik jarri ziren markagailuan etxekoak, lehen ordu laurdenean Bravok sartutako gol batekin. Hala ere, Intercityk emaitza irauli egin zuen bigarren zatian. Real Unionek erritmoa gutxitu zuen, baina azken bost minutuetan gai izan zen neurketa berdintzeko eta jardunaldiko puntuak banatzeko.

Norgehiagoka hasi eta 15. minutuan aitzindu zen David Movillaren taldea. Aramburuk erdiraketa egin eta Bravok sartu zuen baloia sarera. Markagailuan aurretik jarri zen Real Union, baina indarrak gutxitu egin zituen atsedenaldira bitarte. Minutu horietan gehiago izan zen Intercity eta baloiaren jabetza eduki zuen. Hala ere, ez zen gai izan aukerarik sortzeko eta 1-0ekoarekin iritsi ziren bi taldeak atsedenaldira.

Bigarren zatian berriz, talde bisitariak markagailua irauli zuen. 47. minutuan, Bellottik gola sartu eta berdinketa eskuratu zuen. Talde txuribeltzak zenbait aukera izan zituen hurrengo minutuetan, Bravoren eta Santosen eskutik, baina Herrerak ongi gelditu egin zituen baloiak. 75. minutuan berriz, talde bisitariak markagailua iraultzeko aukera aprobetxatu zuen. Guillemek gola sartu zuen eta beraz, 1-2koa ezarri zuen Intercityren alde. Besoak jeitsi beharrean, Real Unionek indarra hartu eta jokatzen jarraitu zuen berdinketa lortu arte. 85. minutuan, Seguinek sartu zuen baloia sarera eta bina berdindu zuen emaitza.

Sailkapenera garrantzitsua izan daitekeen puntua batu zuen Real Unionek larunbateko jardunaldiaren bukaeran. Honen ondotik, datorren asteburuan, talde txuribeltzak Sanse bisitatu beharko du Reale Arenan, larunbatean (otsailaren 11n) 19:00etan.

(Argazkia: Aimar Lasa)

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika