“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
17 Urr, 2022
Talde txuribeltzak hutsera berdindu zuen markagailua Real Murciaren kontra
Real Unionek hutsera berdindu zuen atzo Real Murciaren kontra jokatutako partiduan. Azken minutuan talde txuribeltzak garaipena eskuratzeko aukera izan bazuen ere, ezin izan zuen neurketa arrakastaz itxi eta golik gabeko jardunaldi bati bukaera eman zion horrela. Hala ere, irundarrak sailkapenean puntu bat gehiagorekin iritsi dira etxera bueltan.
Talde txuribeltza bosteko marrarekin aritu zen defentsan atzoko neurketan. Aurkaria zein zen eta irundarren bajak kontuan hartuta, Aitor Zulaikak jokoa aldatu eta marrazki desberdinarekin zelairatu zuen bere taldea. Neurketaren hasieratik etxekoak nagusi izan ziren eta beraiek izan zituzten gola sartzeko aukerak. Lehenengoa 25. minutuan izan zen, Galindok area kanpotik egindako jaurtiketa batekin. Sei minutu beranduago, Zeidan saiatu zen, baina ez zuen asmatu. 38. minutuan aldiz, Dani Vegak bota zuen baloia atera eta Irazustak gelditu zuen. Azkenik, atsedenaldira iristeko bost minutu falta zirenean, Zeidanek jaurtiketa gurutzatu bat egin zuen, baina ez zuen arrakastarik eduki.
Bigarren zatian indar gehiago erakutsi zuen Real Unionek eta abagune gehiago sortu zituen markagailuan aurreratzeko. 63. minutuan Sanchezek erdiraketa egin eta Santosek buruz errematatu nahi izan zuen, baina zutoinera bidali zuen baloia. Aldaratzean, Bravori gora joan zitzaion jaurtiketa. Lau minutu beranduago gainera, talde irundarra Chema Nuñez gabe geratu zen, bigarren txartel horia atera baitzion epaileak. Horrela, txuribeltzek ahaleginetan jarraitu zuten, Real Murciaren saiakerak deuseztatuz. Neurketaren azken minutuetan ordea, talde bisitariak garaipena eskuratzeko aukera izan zuen, baina Nacho Sanchezen erremateak zutoinean jo zuen berriz ere, etxeko atezainak baloia ukitu ondotik. Aldaratzean berriz ere, ez zuen arrakastarik eduki Sanchezek.
Hutseko markagailuarekin, Real Unionek puntu bat gehiago batu zuen sailkapenean, eta orain bederatzi ditu guztira. Hurrengo jardunaldian Sanse jasoko du Stadium Galen, baina horren aitzinetik, asteazken honetan, Federazio Kopako finalerdia jokatuko du CD Areinteroren kontra O Carballiñon.
(Argazkia: Real Murcia)
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...