Txakolina egiteko prozesua ezagutzeaz gain, taldeak bertako Sutan erretegian bazkaria ospatu zuen

Atzo, ekainaren 1ean, Real Uniongo jokalari, teknikari, mediku eta kontseilariak Hiruzta upategian egon ziren, bertako lan prozesua ezagutzen. Gainera, denboraldi bukaerako bazkaria ospatu zuen taldeak Sutan erretegian.

Real Unioneko lehen taldeak txakolina egiteko prozesua bertatik bertara ezagutzeko aukera izan zuen atzo, Hiruzta upategian egin zuen bisitan. Bertan, mahastien landaketatik txakolina merkatura ateratzen den arte egiten duen bidea erakutsi zieten. Gainera, Marina Vallet de Montanok taldeari azaldu zion moduan, tradizio historiko bati jarraituta egiten dute prozesu guzti hau: “Hiriaren armarriak berak, 1604an, bi mahats-mordo dituen andui bat du goialdean, eta horrek adierazten du jarduera horrek Hondarribiarentzat duen garrantzia”.

Igor Emery Real Unioneko Administrazio Kontseiluko presidenteak gaineratu zuenez, “askoren lehen bisita izatea espero dugu. Hiruztaren proiektua erreferente bat da guretzako. Hemen jaio, finkatu eta modu iraunkorrean hazi” delako.

Mahastiei bisita egin ondoren, Real Unionek egunari eta denboraldiari bukaera borobila emateko, bertako Sutan erretegian bazkaria ospatu zuen.

(Argazkia: Haimar Marcos)