Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
07 Ots, 2016
REAL MADRID B: Abad, Tejero, Lienhart, José León, Reguilón, Llorente, Javi Muñoz, Lazo (Odegaard, 73'), Febas, Cedrés (Jiménez, 71'), Mayoral (Mariano, 66').
REAL UNION: Txusta, Urkizu, Aimar, Esnaola, Ribera, Rodellar (Martins, 55'), Alonso (Iriondo, 78'), Mujika, Ozkoidi, Eizmendi, Barrón (Urbieta, 58').
GOLA: 1-0: Tejero (34').
EPAILEA: Villa Maestre. Txartel horiak: Reguilón, Llorente (Real Madrid B); Ribera, Rodellar (Real Union).
Hiru hilabete eman ditu Real Unionek galdu gabe. Baina hogeita laugarren jardunaldian, amore eman behar izan du. Valdebebasko Alfredo Di Stefano futbol zelaian galdu zuen larunbatean, Real Madrid Bren kontra. Itxura ona eman zuen Aitor Zulaikaren taldeak neurketaren hasieran. Presioari esker baloia eskuratu zuen behin eta berriro, eta gol aukerak sortzeko gai izan zen. Barronek izan zituen abagunerik onenak lehen minutuetan. Hasierako bultzada gaindituta, ordea, nagusitzen hasi zen Castilla. Cedresek, Lazok eta Javi Muñozek esku hartzera behartu zuten Txusta. Gola, berriz, Tejerok sartu zuen, 34.minutuan. Zutoinaren ondora bidali zuen baloia, kontraeraso bat borobiltzeko.
Atsedenaldiaren ondoren, baloiaren jabe izan zen Union. Baina arerioa gehiegi estutzeko gai ez zela ikusita, aldaketak egiten hasi zen Zulaika. Asmatu zuen, talde txuribeltza indarberritu zutelako aulkitik irtendako jokalariek. Castillak atzera egin behar izan zuen pixkanaka, eta irundarrek markagailua berdintzeko aukerak izan zituzten. Reguilonek Eizmendiri egindako penaltiak emaitza aldatu ahal izan zuen. Epaileak, aldiz, falta areatik kanpo izan zela erabaki zuen. Denboraldiko seigarren porrotaren ondorioz, lehenengo bi sailkatuak urrun samar gelditu zaizkio Real Unioni.
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...