17 Mar, 2022
Real Unionek teknifikazio jardunaldiak antolatu ditu apirilaren 19, 20 eta 21erako
Klub txuribeltzak Aste Santurako teknifikazio jardunaldiak antolatu ditu 2010, 2011, 2012 eta 2013an jaiotako haurrentzat. Jardunaldi hauek apirilaren 19, 20 eta 21ean ospatuko dira, Stadium Galeko anexoan, arratsaldeko 16etatik 17:30era. Bertan parte hartzeko 20 euro ordainduko beharko da.
Apirilean eginen diren jardunaldi hauetan parte hartzeko izena eman behar da eta horretarako, klubeko webgunean jarri dute eskuragarri bete beharreko eranskina (https://realunionclub.com/eu/eskola-forma/). Izen-ematea apirilaren 15a arte egonen da irekita eta ordainketa ES54 0081 7522 14 0001340640 kontu korrontean egin beharko dute partehartzaileek. Hau eginda, ordainketaren egiaztagiria atxiki beharko dute izena emateko eranskinean.
Jardunaldietan honako alderdiak landuko dituzte haurrek: banakako teknika baloiarekin (paseak, kontrola, kondukzioak, erregateak, etab.), banakako eraso-teknika, gorputz-orientazioa (eraso eta defentsakoa), ikuspegi periferikoa (ikuseremua handitzea), desmarkeak eta amaierak, talde-jokoa eta atezainen entrenamendua.
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...
Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren...