SAN MARCIAL KLUBAK TXAPELKETA SOLIDARIOA OSPATU ZUEN ASTEBURUAN
Futbola

SAN MARCIAL KLUBAK TXAPELKETA SOLIDARIOA OSPATU ZUEN ASTEBURUAN

2012 eta 2013 urteetan jaiotako benjamin mailako 450 futbolariek parte hartu zuten guztira, 28 taldeetan banatuta

San Marcial Klubak, aurreko asteburuan, Txapelketa solidarioa ospatu zuen San Jose Obrero zelaian. Kirol Egokituko Gipuzkoako Federazioarekin batera antolatu zuen jardunaldia, eta bertan benjamin mailako 28 taldek eta 450 jokalarik parte hartu zuten guztira.

Larunbatean goizeko 9:00etan hasi ziren ekitaldiak San Jose Obrero zelaian. 2013an jaiotako benjaminen txapelketa ospatu zuten bertan eta hamabi taldek hartu zuten parte, tartean CD San Marcial, SANSE, Lazkao, Hondarribia, Beti-Ona, Danena, Baztan, Vasconia, Real Union, Mario, Billabona eta Touring. Baztandarrak izan ziren lehen jardunaldi honetan garaile, SANSE, Vasconia eta Zestoaren aurretik.

Arratsaldeko 17:00etan berriz, 30 oparien zozketa egin zen partehartzaile guztien artean. Sari banaketan, federazioko lehendakaria den Blanca Aranguren, San Marcial Klubeko kideak, Irungo Udaleko ordezkariak, Urgara Waterpolo Klubeko ordezkariak eta hainbat babesle izan ziren. Leire Landa, Irungo futbolari ohia ere bertan izan zen. Lehen jardunaldi honetan gainera, haurrek hainbat joko egin zituzten federazioko boluntarioekin, sentsibilizatzeko helburuarekin.

Igandean berriz, 2012ko benjaminen txanda izan zen. Egun horretako talde partehartzaileak hauek izan ziren: CD San Marcial, SANSE, Genets Anglet, Ariznabarra, Danena, CD Behobia, Hondarribia, Pasaia KE, Mariño KE, Vasconia, Billabona eta Real Union. Igandeko txapelduna SANSE izan zen, Genets Anglet, Pasaia eta SANSE-ren beste taldearen aurretik. Bigarren egun honetan ere zozketa bat egin zen babesle desberdinek emandako opariekin.

Antolakuntza taldeak, prentsa ohar baten bidez adierazi nahi izan dutenez, zenbait enpresa laguntzaile eskertu nahi izan ditu, hala nola, “Caja Rural de Navarra, Brioche Pasquier, Aguas del Txingudi, Irungo Udala, Asesoria Aselagun, Bar Arkupe, Bar Muro, Vertiz Ford, Garia Okindegia eta Unitravel”. Gainera, “boluntarioak eta txapelketan parte hartu duten guztiak” ere eskertu nahi izan dituzte. 

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika