SANTIAGOTARRAK-EK HAMAZAZPI DOMINA ESKURATU ZITUEN SLALOMEKO BIGARREN EUSKADIKO KOPAN

Kayak Krossean ere zortzi domina irabazi zituzten Irungo taldekoek

Santiagotarrak taldeko Slalomeko eta Kayak Crosseko sail berriak antolatuta, pasa den asteburuan Ur Bizietako denboraldiko bigarren Euskadiko Kopa ospatu zen. Larunbatean Slalomean aritu ziren taldeko 30 kirolari eta guztira 17 domina eskuratu zituzten. Igandean berriz, Kayak Krossean, 16 kirolarik parte hartu zuten eta zortzi domina lortu zituzten.

Santiagotarrak-eko Ur Bizietako sailak txapelketa izan zuen asteburuan. Hain zuzen ere, taldeak antolatutako bigarren Euskadiko Kopa ospatu zuten larunbatean. Bertan, Slalomeko 30 kirolari lehiatu ziren eta guztira 17 domina eskuratu zituzten: urrezko zazpi, zilarrezko bi eta brontzezko zortzi.

Emaitzarik azpimarragarrienak Oier Diazen eta Izar Garciarenaren garaipen bikoitzak izan ziren, lehen postuan bukatu baitzuten bi kirolariek C1 eta K1 kategorietan. Podiumaren lehenengo postuetara ere Aitor Iriondo (K1 jubeniletan), Ander Diez (K1 beteranotan) eta Javi Arruabarrena (C1 jubeniletan) igan ziren. Zilarrezko dominak Unai Santacruzek (K1 jubeniletan) eta Ainara Azanzak (K1 jubeniletan) eskuratu zituzte. Brontzezkoak berriz, Oier Amianok (K1 kadete), Javi Arruabarrenak (K1 jubeniletan), Ekhi Diezek (K1 Senior), Xabi Tabernak (K1 beteranotan), Ainara Azanzak (C1 jubenil), Oier Olasok (C1 cadete), Aitor Iriondok (C1 jubeniletan) eta Mikel Ormazabalek (C1 seniorretan) zintzilikatu zituzten larunbatean.

Igandean berriz, Kayak Krosseko sail berrikoak aritu ziren lehian eta bertan, Santiagotarrak taldeko 16 kirolarik parte hartu zuten. Hauek ere emaitza onak lortu zituzten eta guztira, zortzi domina lortu zituzten: urrezko hiru (Oier Diez, Javi Arruabarrena eta Klara Olazabal), zilarrezko bi (Oier Olaso eta Unai Santacruz) eta brontzezko hiru (Oier Amiano, Telmo Otegui eta Haritz Azanza). Gainera, finaletako hamasei postuetatik, Santiagotarrak KEk hamaika eskuratu zituen.

Aulki mugikorreko Gipuzkoako Txapelketa

Asteburu honetan berriz, aulki mugikorreko sailak Gipuzkoako Ligari jarraipena emanen dio. Oraingo honetan, Legutianon ospatuko da denboraldiko laugarren jardunaldia. Bertan, Santiagotarrak taldearekin batera, Hondarribi, San Juan, Arraun Lagunak, Ur Kirolak eta Orio arituko dira lehian. Goizeko 10:00etan izanen dute hitzordua arraunlariek eta guztira, 400 bat partehartzaile edukitzea espero dute, 150 ontzitan banaturik. Santiagotarrak taldeak 60 kirolari ureratuko ditu.

(Argazkia: J.J.Portos)

SANTIAGOTARRAKEK LEHEN POSTUA ESKURATU DU K2 ETA C2KO EUSKADIKO KOPAN

Guztira urrezko bost domina, zilarrezko hiru eta brontzezko bertze hiru lortu zituzten Irungo klubeko piraguistek

Euskadiko K2 eta C2 Kopa ospatu zen pasa...

UR BIZI ETA LASAIETAKO ESKOLARREN TXAPELKETA OSPATUKO DA ASTEBURUAN IRUNEN

Ur bizietako piraguistek 10:00etan hasiko dute lehiaketa eta ur lasaietakoek 15:00etan hartuko diete lekukoa

Bidasoa ibaia izanen da ur bizi eta...

ROBERTO RIVASEK BRONTZEZKO DOMINA ESKURATU ZUEN ESPAINIAKO TXAPELKETAN

Santiagotarrak-Urbycolan hamalaugarren postuan sailkatu zen taldeka

Espainiako 5.000 metroko Txapelketa ospatu zen pasa den martxoaren 9an eta 10ean...

SANTIAGOTARRAK-EKO UR BIZIETAKO ETA UR LASAIETAKO KIROLARIEK HITZORDU BANA IZANEN DUTE BIDASOAN

Larunbat honetan, goizez Euskadiko Kopa jokatuko dute eta arratsaldez, Piraguismoko Federazioko kontrolak izanen dituzte

Bidasoa ibaia bi...

SANTIAGOTARRAK ZAISAK HIRUGARREN POSTUA LORTU DU TALDEKA ESPAINIAKO TXAPELKETAN

Klub irundarreko hamaika kirolarik jokatu zituzten kategoria desberdinetako finalak

Santiagotarrak Zaisa KEko slalom taldeak Seu d´Urgellen ospatutako...

MALEN JUARISTI HAMAHIRUGARREN MUNDUKO JUNIOR TXAPELKETAN

Santiagotarrak taldeko piraguistak, Munduko Txapelketa debutatu ondotik, Espainiako selekzioaren deia jaso du

Malen Juaristi piraguistak debuta egin du...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika