SENTSAZIO BIKAINEKIN, EUSKOTREN LIGAKO PLAYOFFERA
Arrauna

SENTSAZIO BIKAINEKIN, EUSKOTREN LIGAKO PLAYOFFERA

(Argazkia: Eusko Label Liga)

13. Zarauzko Ikurriñan hirugarren postua eta patroi onenaren maillota eskuratuta, azken sailkatu da Hondarribia Arraun Elkartea eta azken bi jardunalditan Euskotren Ligako txartela borrokatu beharko du.

13. Zarauzko Ikurriñarekin batera, Donostia Arraun Lagunakek, Oriok, Donostiarrak eta Hondarribia Arraun Elkarteak amaiera eman diote aurtengo Euskotren Ligari. Urteak aurrera egin ahala, Euskotren Ligaren mailak gora egin du eta, gaur egun, kirol ikuskizun handien parean kokatu da. Era batean edo bestean, Euskotren Ligan lehiatu diren lau taldeak erakustaldiak eman dituzte, estropadak lehiatuak eta estuak izan dira eta, amaieran, kiroltasunak zipriztindu ditu Zarauzko bazterrak. Bandera Oriorentzat izan da, Zarauzko uretan jokatu diren bi jardunaldietan traineru onena izan delako; Euskotren Liga Donostia Arraun Lagunakentzat izan da, ontzi erregularrena eta garaipen gehien eskuratu dituena izan delako; eta, patroi onenaren saria Hondarribia Arraun Elkarteko Miren Garmendiak eskuratu du, bera izan baita abilezia gehiena erakutsi duena trainerua nabigatzeko orduan.

Lehen jardunaldian azken postuan bukatu zuen estropada Hondarribia Arraun Elkarteak. Iker Cortesek zuzentzen duen eskifaia txukun aritu bazieren ere, segundu batengatik, Donostiarrak hartu zion aurre eta azken postuan helmugeratu zen. Lehen jardunaldiko egoera hura gaurkoan irauli du talde hondarribiarrak (11:01,60). Lehen luze landu baten ondoren, ziabogatik bueltan, luze bikaina egin dute berdeek eta estropadan zehar aurretik zuen Donostiarrari (11:06), azkenean, bost segunduko aldea ateratzeko gai izan dira. Sailkapen orokorrean, hirugarren postuan bukatu du estropada Hondarribia Arraun Elkarteak, baina ezin izan ditu playoffak ekidin. Halere, egoera bikainean iritsiko da talde hondarribitarra playoffetara: txapelketako patroi onenaren saria boltsikoan, bi estropadetan bigarren postua eskuratuta eta Donostiarrari hainbatetan garaituta. Sentsazio onekin aurre egingo dio beti arriskutsuak diren Euskotren Ligako playoffei.

Emakumezkoen arrauna garaile Zarautzen.

Sari guztiak banatu dira gaurko egunean, baita estropada eta sailkapen nagusiko zenbakiak erabaki ere. Larunbateko garaipena errepikatu du Oriok (10:51), lehen jardunaldian bederatzi segunduko abantaila eskuratu zuen eta gaurko garaipenarekin Zarauzko Ikurriña ziurtatu du. Oraingo honetan, ordea, Donostia Arraun Lagunak oso gertu izan du (+0,70) eta bigarren postua erdietsita, historian lehen aldiz Euskotren Ligako txapeldun berriak bilakatu dira donostiarrak. Aurtengo Euskotren Liga denboraldian zehar lortutako garaipen kopuruak erabaki du: puntuetan berdindu dute Donostia Arraun Lagunakek eta Oriok (39), baina donostiarrek 6 estropadatan garaile irten direlarik, liga bereganatu dute.


Horiek gaurko bi garaileak, Oriok bandera eta Donostia Arraun Lagunak. Arerioak uretan, lagunak eta ospakizunetan murgilduak lehorrean. Zoragarria, beste behin, Euskotren Ligak eta emakumezkoen arraunak utzitako irudiak. 


SANTIAGOTARRAKEKO ARRAUNLARIEK SEI GARAIPEN ESKURATU ZITUZTEN AULKI MUGIKORREKO GIPUZKOAKO LIGAKO LEHEN ESTROPADAN
Arrauna

SANTIAGOTARRAKEKO ARRAUNLARIEK SEI GARAIPEN ESKURATU ZITUZTEN AULKI MUGIKORREKO GIPUZKOAKO LIGAKO LEHEN ESTROPADAN

Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak

Gipuzkoako aulki mugikorreko Liga...

MIKEL LAGUARDIA ETA INHAR ROMANO ESPAINIAKO KADETE MAILAKO TXAPELDUNORDEAK
Arrauna

MIKEL LAGUARDIA ETA INHAR ROMANO ESPAINIAKO KADETE MAILAKO TXAPELDUNORDEAK

Ourensen ospatu zen aulki mugikorreko distantzia luzeko Espainiako Txapelketa

Santiagotarrak taldeko arraunlariek aulki mugikorreko distantzia...

SEI GARAIPEN LORTU ZITUEN SANTIAGOTARRAK TALDEAK EUSKADIKO AULKI MUGIKORREKO TXAPELKETAN
Arrauna

SEI GARAIPEN LORTU ZITUEN SANTIAGOTARRAK TALDEAK EUSKADIKO AULKI MUGIKORREKO TXAPELKETAN

Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia

Euskadiko aulki mugikorreko...

HONDARRIBIA GARAILE GIPUZKOAKO TXAPELKETAREN HIRUGARREN JARDUNALDIAN
Arrauna

HONDARRIBIA GARAILE GIPUZKOAKO TXAPELKETAREN HIRUGARREN JARDUNALDIAN

Orioren aitzinetik helmugaratu zen Hondarribiako klubeko zortzikotea

Aulki mugikorreko Gipuzkoako distantzia luzeko txapelketaren hirugarren...

AULKI MUGIKORREKO BIGARREN JARDUNALDIA JOKATUKO DA IGANDEAN BIDASOAN
Arrauna

AULKI MUGIKORREKO BIGARREN JARDUNALDIA JOKATUKO DA IGANDEAN BIDASOAN

Bidasoa ibaia protagonista izan zen pasa den asteburuan ere, Ur Bizietako Euskadiko Kopa jokatu baitzen bertan

Aulki mugikorreko arraunlariek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika