26 Urt, 2022
Tecna 1985ean sortutako enpresa irundarra da eta bere lana ur industrialen tratamenduan oinarritzen du
Real Union Klubak astelehenean jakitera eman zuenez, Tecna enpresa irundarrarekin akordio batera iritsi da eta datorren urtean txuribeltzen babeslea izango da. Letxunborro Hiribidean kokatuta dagoen enpresa hau 1985. urtetik dabil ur industrialen tratamenduekin lanean.
Isidro Rodriguez Tecnako kudeatzaileak azaldu zuen enpresa “familia enpresa baten bigarren belaunaldia” dela, eta egun “estatu mailan hainbat ordezkaritza” izatea lortu duela. Rodriguezek beraien lana zein den ere argitu zuen: “Hozte-, lurrun-, arazketa- eta edateko ur-sistemetan tratamendua behar duten industria mota guztietarako lan egiten dugu. Gainera, produktu kimikoen fabrikatzaileak eta ura tratatzeko ekipoen instalatzaileak gara, funtzionatzeko ura behar duten mota guztietako instalazioak tratatzeko”.
Igor Emery, Real Unioneko Administrazio Kontseiluko presidentea, pozik agertu zen hitzarmen honekin, Irungo enpresa ezberdinek klubaren proiektua babestea garrantzitsua iruditzen baitzaio: “Enpresa hau erreferentea da bere sektoren, eta proiektu berri honetan parte hartzeko interesa erakutsi zigun. Hazten jarraitzen dugu eta gure proiektuaren partaide egiten ditugu enpresa gehiago”.
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...