TXINGUDI ERRUGBI KLUBEKO EMAKUMEAK MUNGIAN ARITUKO DIRA
Errugbia

TXINGUDI ERRUGBI KLUBEKO EMAKUMEAK MUNGIAN ARITUKO DIRA

Seniorrak Gaztedi B bisitatuko dute eta 14 urtez azpiko taldeak Hernanin jokatuko du asteburuko jardunaldia

Txingudi Errugbi Klubeko emakume taldeak denboraldiko bigarren hitzordua izanen du asteburu honetan. Iruñeako La Unica taldearen kontra lehiatu ondotik, sentsazio onekin eta kide berriekin, Mungian ekinen diote hurrengo erronkari. Seniorrak ere kanpoan arituko dira oraingoan, Gaztedi B taldearen kontra, eta 14 urtez azpikoak berriz, Hernanin.

Larunbatean, martxoaren 4ean, Txingudi Errugbi Klubeko emakumeak Mungian izanen dira, denboraldiko bigarren lagunartekoa jokatzeko. Bertako Atxurizubi zelaian izanen dute hitzordua bidasotarrek, 12:30ean. Maider Aizpuruak eta Asun Gamindezek zuzentzen duten taldea hogei bat jokalarirekin joanen da Bizkaiara. Denboraldi honetan aitzinera eraman duten proiektu hau sendotu dela erakutsi dute eta, lehen lagunartekoaren ondotik, jokalari gehiago gehitu ahal izan dituzte taldera.

Bertzalde, klubeko seniorrak Gasteizera joan beharko dira larunbatean ere, Gaztedi B taldearen kontra jokatzera, 16:00etan. Arabarrak Zaisa Txingudiren aurkari zuzenak dira, izan ere, sailkapenean bidasotarren gibelean daude, hirugarren postuan, sei puntuko aldearekin. Mugakoek irabaziko balute, eta bonus puntu bat lortuko balute, sailkapeneko bigarren postua ziurtatuko lukete matematikoki. Horretarako, Txingudik garaipena eskuratu eta lau entsegu lortu beharko ditu. Iñigo Camarerok azpimarratu du “erronka zaila” dutela Gasteizen, “baina ez ezinezkoa. Joaneko partiduan 27-19 irabazi genuen, baina dezente kosta zitzaigun. 50. minutuan, atzean gindoazen eta azkeneko minutuetan burua hotz mantentzeak egoera iraultzen lagundu zigun”.

Azkenik, 14 urtez azpiko taldeak ere partidua jokatuko du martxoaren 4ean, Hernani B/Atletico San Sebastian-en kontra. Hernaniko Landare zelaian ospatuko da neurketa, 15:00etan. Gazteek ere, irabaziz gero, sailkapeneko goiko postuengatik borrokan jarraituko dute. Honez gain, errugbi eskolako txikiak Arrasaten arituko dira bertako taldearen eta Zarautz, Beltzak, Bera Bera B eta Riojaren kontra (10:30).

Beteranoen omenezko eguna

Asteburuan jokatuko diren partiduez gain, Txingudi Errugbi Klubak bertze ospakizun batzuk ere eginen ditu martxoaren 4ean. Hain zuzen ere, klubeko beteranoen omenezko eguna ospatuko dute larunbatean eta dagoeneko egitaraua prest dute. 11:00etatik aitzinera, tokata jokatuko dute Plaiaundin, ohiko hirugarren denborarekin bukatuko dutena. Eguerdian berriz, bazkaria ospatuko dute Gabiria jatetxean eta otorduaren ondotik, bestari Txingudi Rugby Tabernan emanen diote bukaera.

(Argazkia: La Unica)

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN
Errugbia

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN

Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa

Txingudi Rugby Klubak bigarrenez...

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN
Errugbia

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN

Biok Txingudik 29-22 galdu zuen Neskak Loratzen taldearen kontra, eta Zaisa Txingudik ere 17-13ko emaitzarekin galdu zuen Bera Bera Bren...

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK
Errugbia

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK

Zaisa Txingudik bihar jokatuko du Bera Beraren kontra eta Biok Txingudik berriz, igandean Neskak Loratzen taldearen kontra

Txingudi Rugby Klubeko...

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN
Errugbia

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN

Txingudi Rugby Klubeko gazteek ere arrakastaz bukatu zuten asteburua

Txingudi Rugby Klubeko ia talde guztiek lortu dute asteburua arrakastaz...

BIOK TXINGUDIK HASIERA EMANEN DIO EUSKAL LIGAKO BIGARREN FASEARI
Errugbia

BIOK TXINGUDIK HASIERA EMANEN DIO EUSKAL LIGAKO BIGARREN FASEARI

Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du

Atsedenaldiaren ondotik, Txingudi...

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika