27 Eka, 2023
Real Uniongo Beteranoek seigarren aldiz antolatu zuten besten aitzineko azken txapelketa hau
Seigarren aldiz ospatu zen pasa den ekainaren 24an Real Uniongo Beteranoek antolatutako Irun Hiria Txapelketa. Etxekoez gain, UD Aretxabaleta eta Gimnástica taldeak ere izan ziren bertan, eta hain zuzen ere, gipuzkoarrak izan ziren aurtengo edizioko garaileak.
Giro eguzkitsuarekin eman zioten hasiera VI. Irun Hiria Txapelketari. Lehen partiduan etxekoak eta UD Aretxabaleta aritu ziren aurrez aurre. Irundarrak Roca izenarekin atera ziren zelaira, urdinez, talde historikoaren mendeurrena ospatzeko. Hala ere, ez zuten zorterik izan eta Aretxabaletakoak irabazi zuten. Honen ondotik, Gimnástica gainditzeko gai izan ziren (1-0) eta beraz, dagoeneko erabakita gelditu zen txapelketa.
Sari banaketarekin eman zioten bukaera txapelketari eta bertan izan ziren Jose Antonio Legorburu Beteranoen Elkarteko presidentea, Igor Emery Real Uniongo Administrazio Kontseiluko presidentea eta Borja Olabazal Irungo kirol zinegotzia.
Azkenik, luntx bat eduki zuten talde guztiek eta elkarrekin giro onean ospatu zuten errugbian ohikoa den hirugarren denbora. Zozketak ere izan ziren goizean zehar eta bertan bildutako diru guztia San Jose Langilea parrokiara bideratuko dutela jakinarazi dute.
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...