21 Abu, 2016
Indarberrituta amaitu du asteburua Hondarribia Arraun Elkarteak, azken hiru estropadetan Urdaibairen atzetik gelditu ondoren, bandera irabazi baitu Castro-Urdialesen. Larunbata gogorra izan zen berdeentzat, arerio nagusiak Hondarribiko Bandera irabazi baitzuen. Bou Bizkaia izan zen ontzirik azkarrena hondartzako estropada eremuan, eta zortzi segundoko abantaila atera zion Ama Guadalupekoari. Sailkapenean, berdinduta gelditu ziren. Gainera, Urdaibairen goranzko bideak kezkarako arrazoiak ematen zituen.
Igandean, ordea, arraunketa mailarik onena berreskuratu du Ama Guadalupekoak. CaixaBank bandera lortu du Hondarribiak Castro-Urdialesen, Urdaibairen kontrako lehia irabazi ondoren. Zazpi eta zortzi segundoko abantailak izan dituzte berdeek estropadan zehar. Amaieran, bost segundokoa izan da tartea. Bidasoarrek erakutsi dute ez daudela gainbeheran, ezta gutxiago ere. Bi asteburu gelditzen zaizkio San Miguel Ligari, lau estropada, eta puntu bakarreko aldea dago lehen bi sailkatuen artean.
Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak
Gipuzkoako aulki mugikorreko Liga...
Ourensen ospatu zen aulki mugikorreko distantzia luzeko Espainiako Txapelketa
Santiagotarrak taldeko arraunlariek aulki mugikorreko distantzia...
Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia
Euskadiko aulki mugikorreko...