Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak
Txingudi Rugby Klubeko gizonezko seniorrek...
15 Ots, 2022
Larunbatean jokatu zen partida 0-71n amaitu zen, baina diziplina hobekuntza erakutsi zuten etxekoek
Zaisa Txingudik aurreko larunbatean hitzordu zaila izan zuen Plaiaundin. Izan ere, sailkapenean gora dagoen Arrasate taldea jaso zuen eta, aurreikusi zuten moduan, neurketa gogorra izan zen bidasotarrentzat. Nahiz eta markagailua 0-71n gelditu norgehiagokaren amaieran, Txingudik lan ona egin zuen defentsan eta gainera, diziplina hobekuntza ere erakutsi zuen zelaian.
Bajen ondorioz oso baldintzatuta hasi zuten partida mugako jokalariek. Hala ere, lehia bizia egon zen lehen minutuetan bi taldeen artean. Aurkariek, zortzigarren minutuan, markagailua estreinatu zuten lehenengo entsegu batekin, eta horrela jarraitu zuten lehen zati guztian zehar, atsedenaldira 0-59koarekin iritsita. Txingudik defentsan lan ona egin zuela azpimarratu behar da, eta baloia eduki zuen guztietan Arrasate kolokan jartzea ere lortu zuela, nahiz eta azkenean markagailua hutsean geratu zitzaion.
Bigarren zatian berriz, abantaila ikusita, partida erabakia zegoela jakina zen, baina etxekoek ez zuten amore eman eta maila bera erakusten jarraitu zuten, defentsan lan ona eginez. Aurkariek behera egin zutela ere nabarmen geratu zen, baina Txingudik erasoan ez zuen asmatu eta aldea handitzea lortu zuten arrasatearrek, garaipen zabala eskuratuz.
Xabi Sanchez jokalariak aipatu zuen moduan, “azkar ahazteko partida” izan zen asteburukoa, eta azkar ere hasi beharko dira prestatzen hurrengo neurketa. Izan ere, final baten antzera egin beharko diote aurre asteburu honetan ospatuko den norgehiagokari mailari eusteko aukerak izan nahi badituzte. Horrela, Donostian Bera Bera taldearen aurka izango duten neurketan gogor arituko beharko dira bidasotarrak etxera garaipenarekin itzultzeko.
(Argazkia: Joaquin Bravo)
Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak
Txingudi Rugby Klubeko gizonezko seniorrek...
Txingudi Rugby Klubeko senior mailako gizonezkoek Plaiaundin jasoko dute Gaztedi B Ligako azken jardunaldia jokatzeko
Denboraldiko helburu nagusia...
Mugako taldeak ezin izan zuten Urgozo garaitu eta 38-3ko markagailuarekin galdu zuen
Txingudi Rugby Klubeko senior mailako gizonezkoek, Zaisa...
Txingudi Rugby Klubeko gizonezkoak sailkapeneko hirugarren postua ziurtatzeko helburuarekin joanen dira liderraren etxera
Txingudi Rugby Klubeko...
Biok Experiential Shopping Txingudi Badia eskolarteko nazioarteko txapelketa arrakastaz ospatu zen bigarren urtez segidan
Eguraldia lagun zutela,...
200 errugbilari gazte bilduko dira Plaiaundin apirilaren 6an bigarren aldiz ospatuko den eskolarteko txapelketan
Txingudi Rugby Klubak bigarrenez...