Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
13 Urr, 2020 Hendaia, Eskubaloia, Hendaiako Estadioa, Stade Hendayais, Oloron
Hendaiako Estadioak ezin izan zuen denboraldiko lehen garaipena eskuratu Oloronen aurka (30-27). Garaipena gertu izan zuten, baina bigarren laurden kaxkar baten ondoren, etxeko taldeak aurre hartu zien.
Denboraldiko lehen bi neurketetan Hendaiako Estadioak ezin izan ditu garaipenak ematen dituen bi puntuak batu. Pessacen aurka 23-23 berdindu eta gero, Oloronen kantxan jokatu zuten larunbatean denboraldiko bigarren jardunaldia eta bigarren zati txar baten ondorioz, hiru golengatik kale egin zuen talde txuri-beltzak. Jokatu duten bigarren neurketa da, baina, berez lehen jardunaldiari dagokion partida izan zen; izan ere, Hendaiako Estadioak eta Oloronek neurketa atzeratu behar izan zuten Covid kasu batzuk medio.
Edonola, lehen zati on bat jokatu zuen Hendaiako Estadioak. Laurent Seguin entrenatzaile berriaren sistemek min eman zion Oloron taldeari neurketako hastapenetan. Defentsan gogor aritu ziren hendaiarrak eta erasoan hiru golen gaindiko errentak lortzeko aukerak izan zituzten. 10-13ko markagailuarekin heldu ziren bi taldeak atsedenaldira, Hendaiako Estadioak lan aparta burutzen ari zen Nationale 3 mailako talde gogor batean aurrean.
Bigarren zatia, ordea, beste kontu bat izan zen. Hendaiako Estadioak ez zion lehen zatian bezala ekin bigarrena eta pixkanaka-pixkanaka sendotasuna galtzen joan zen minutuak aurrera egin ahala. Erasoan akats asko egin zituen talde hendaiarrak eta defentsan, jokalari asko galdu zituzten bi minutuko kaleratzeekin. Beraz, jokalari bat gutxiagorekin minutu asko jokatu zuen Hendaiako Estadioak, eta horrela, garaipenak erdiestea oso zaila da. Oloronek markagailuan aurrea hartu zuen eta bertako zaleak hauspotuta, azkenean Hendaiako Estadioa 30-27 irabaztea erdietsi zuten.
Denboraldi berriko hirugarren jardunaldia etxetik kanpo jokatuko du Hendaiako Estadioak, une kritiko batean, bi neurketetan partidarik irabazi gabe, etxetik kanpo bi neurketa jarraian jokatu beharko du. Lehen garaipena erdiesteko helburuarekin joango dira Pau hirira, hain zuzen, Pau Nousty taldearen aurka jokatzeko.
Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
Kadete mailako gizonezkoak Kantabrian egonen dira asteburuan B multzoan Sektore Fasea jokatzen
Zaisa Bidasoa Irun, Bidasoako kadete mailako gizonezkoak,...
Bidasoa Irunek Plenitude ASOBAL Ligako azken jardunaldia jokatuko du, Cuencaren kontra eta matematikoki txapeldunordetza lortuta
Plenitude ASOBAL...
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...