09 Urr, 2020 Irun, Futbola, Real Union, Eibar
Real Unionek 1-1 berdindu du gaur goizean Atxabalpen Eibarren kontra. Neurketa serioa jokatuko dute Zulaikarenek eta Viguerak Unioneko kamisetarekin lehen gola erdietsi du.
Denboraldi-aurreko azken testa jokatu du gaur goizean Real Unionek eta Espainiako Lehen Mailako talde baten aurka izan da, Eibarren aurka hain zuzen ere. Aitor Zulaikak taldearen sentsazioak hobetu nahi zuen neurketaren esperoan zegoen, eta azkenean, neurketa hori iritsi da; izan ere, Real Unionek lan ona burutu du eta neurketa berdintzea lortu du. Gorka Kijerak gaur egin du Real Unionen taldearekin berdebuta, denboraldi-aurreko lehen minutuak jokatuko ditu.
Lehen zati osoan zehar, talde irundarrak ondo aritu da baloiaren mugimenduarekin, baloiaren jabetza hartu dute eta Eibar mendean izan dute. Ordea, 16.minutuan, Sergi Enrichek Anaitz Arbillaren erdiraketa baliatu du goizeko lehen gola gauzatu eta Eibar markagailuan aurreratzeko. Ordutik aurrera, Eibar hobeto kokatu da Atxabalpeko berdegunean eta aukera gehiegirik gabe, lehen zatiaren amaiera heldu da.
Bigarren zatian, Eibarrek lehen zatiko hamaikakoa guztiz aldatu du, Real Union erosoago aurkitu da zelaian eta 57.minutuan, aurrelari postuan jokatu duen Borja Viguerak berdinketaren gola egin du. Eibarrek garaipena nahi zuen, baina Real Unionen defentsa sendo aritu da eibartarren saiakerak aldenduz. 84.minutuan, armaginek 2-1ekoa sartzeko hurbil ibili dira, Txustak Pedro Leonen eskubikada bortitz bati erantzun bikaina eman dio. Neurketak ez du gehiagorako eman eta 1-1 berdinketarekin bukatu dira 90 minutuak.
Beraz, Real Unionek amaitutzat ematen du denboraldi-aurrea eta jada denboraldi ofiziala ekiteko lanetan jarriko da taldea. Lehen arerioa Alaves B izango dute, Stadium Galen urriaren 18an.
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...