23 Abe, 2019 Irun, Real Union, Futbol, Segunda División B, Alaves B
Real Unionek 1-0 galdu zuen larunbatean Ibaian Alaves Bren aurka eta urtea oso sentsazio kaxkarrekin bukatu du
Urteko azken neurketan Real Unionek ezin izan zuen punturik batu, babazorro kumeak talde txuribeltza baino gehiago izan ziren eta 1-0eko emaitzaren bitartez, hiru puntuak eta sailkapenean lasaitasuna lortu zituzten. Beraz, 2019 urtea Real Unionek 20 punturekin sailkapeneko hamairugarren bezala bukatu du, promozio postuak puntu bakar batera eta jeitsiera postuak bi puntutara dituztelarik.
Neurketa Real Union protagonista zuela hasi zen, baina minutuan aurrera joan ahala, Alaves Bk baloiaren eta neurketaren jabetza izaten joan zen. Lehen 15 minutuetan gola sartzeko bost aukera izan zituzten babazorroek, baina momentuz, ez zuten Sequeirak defendatzen zuen atearen sareak urratzea lortu. 30.minutuan iritsi zen talde irundarraren lehen aukera, ezker hegaletik Etxaburuk baloia erdiratu zuen eta gutxigatik ez zen Galan jaurtiketa gauzatzera iritsi.
Hutsean iritsi zen bigarren zatira, baina bostgarren minutuan, Paulino aurrelariak eguneko gol bakarra erdietsi zuen. Gasteiztarrek konfiantza hartu zuten eta zuten jabetza handitzen joan ziren, Real Unionek ez zuen zirrikiturik aurkitzen neurketa berdindu edota iraultzeko. Gola eta baloiaren jabetza gutxi bazen, are eta errazago jarri zitzaion gauzak Alaves Bri, neurketa bukatzeko hamar minuturen faltan, Xabi Cardenasek bigarren txartel horia jaso zuen eta beraz kaleratuta izan zen. Bat gutxiagorekin, etxeko taldeak neurketa lokartu zuten eta hiru puntuak Ibaian geratzea baieztatu zuten.
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...