Bidasoak neurketako azken jokaldian Recoletas Atletico Valladolid garaitu zuen, neurketan aurretik egon ziren une bakarra. Oso indartuta ateratzen da Bidasoa larunbateko neurketari begira

25 (14+11)-Recoletas Atlético Valladolid: César Pérez, Diego Camino (1), Dani Pérez (2), Dourte (4), Víctor Rodríguez (1), García (3), Río (6, 1p.); Cepeda, Patrianova (3), Nico López (3), Adrián Fernández (1 p.), Miguel Camino, Ramos, Martínez (1), Roberto Pérez, Turrado.

26-(11+15) Bidasoa Irun: Rangel Luan, Crowley (5), Tesoriere, Rodrigo Salinas (6, 2 p.), Rudy Seri, Esteban Salinas, Cavero (2); Xoán Ledo, Orbović, Zabala, De la Salud (2), Azkue (3), Kauldi Odriozola (5), Serrano, Renaud (3, 1 p.), Matheus da Silva.

Huerta del Reytik bi puntuak lortu zituen Bidasoak. Partidu osoan zehar markagailuan atzetik joan zen talde irundarra, baina azken minutuetan Jacobo Cuetararen taldeak arerioa baino hobe aritu zen, burua hotz mantendu zuten eta 25-26 garaitzea erdietsi zuten. Recoletas Atletico Valladolidek oso garesti saldu zuen porrota, baina ezin izan zuten ekidin Bidasoak Asobal Ligako bigarren postura igotzera. 1997tik Bidasoak Huerta del Rey-ko kantxak irabazten ez zuela.

Hasieratik etxeko taldeak neurkatan agintzeko nahia erakusti zuen, 3-1 aurreratu ziren bostgarren minutuan. Baina Bidasoak gertutik jarraitzen zituen markagailuan aldentzeko etxeko taldearen saiakerak, hamargarren minutuan 5-4ra hurbildu ziren irundarrak. Bazirudien Bidasoak lortu zuela neurketan kokatzea, baina hurrengo bost minutuetan Recoletas Atletico Valladolidek 3-0eko partziala lortu zuen lau goleko errentara aldenduz. Ez hori bakarrik, 20.minutuan lau goleko errenta mantentzen zen, bi taldeek gol bakar bat erdietsi zuten partiduko tarte horretan. Ordutik aurrera, Bidasoak aldeak murrizten hasi zen, 25.minutuan 10-8koa markagailuak adierazten bazuen ere, atsedenaldira etxekoek hiru goleko errentarekin iritsi ziren (14-11).

Lehen zatian etxeko taldeak primeran ekin bazion neurketari, bigarren zatian Bidasoaren txanda izan zen. Lehen bost minutuetan Bidasoak 0-3ko partziala lortu zuen, baina Valladolid kokildu ordez etxean jokatzen zuela erakutsi zuen berriz eta hurrengo hamar minutuetan bi goleko errentetan mantendu ziren. Baina talde irundarrak burua hotz mantendu zuen azken hamar minutuetan garaipena lortzeko. Esan bezala, 50.minutura 20-20ko markagailuarekin iritsi zen eta 55.minutuan 22-22 zen emaitza. Azken bost minutuetan neurketa erabakitzeke zegoen, eta azken jokaldian Bidasoak 25-26 garaitzea lortu zuen, neurketan aurretik zegoen lehen aldian.

Mentalki oso indartuta ateratzen da Bidasoa neurketa honetatik, ikusi beharko da ordea fisikoki nola aurkitzen diren; izan ere, bihar bertan Suediara bidaiatuko du talde irundarrak Velux EHF Champions Leagueko jardunaldi berri bat jokatzeko. Artelekun jipoitu zuten azken arerioren aurka arituko da Bidasoa, mutzoko bigarren sailkatua den IK Savehofen aurka. Egia da hamabost goleko aldeagatik irabazi zuela Bidasoak Irunen, baina kanpoan jokatzea beste istorio deseberdin bat da eta are gehiago eskubaloiaren mailarik gorenean. Baina bitartean, Asobal Ligako bigarren postuaz eta bi puntu berrietas goza dezala Bidasoak.