Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
14 Urt, 2019
BIDASOA-IRUN: Dejanovic, Trkulja (3), Crowley (4), Iriarte (5), Gimeno (1), Muiña (2), Azkue (7), Zubiria, Cavero (1), Vazquez (1), Revin (2), Penón (3), Zildzic (1), Alzaga (1).
AMENABAR ZARAUTZ: Labairu, Urbieta, E.Balenziaga (2), David Agirrezabalaga (10), Agirregomezkorta, Iraeta (4), Ondarra (8). Julen de Carlos, Atorrasagasti, Garate (2), Bujanda (1), Etxaniz (2), Beristain.
MARKAGAILUA: 3-2, 6-5, 6-7, 11-10, 12-12 (atsedenaldia); 15-14, 18-15, 19-17, 21-20, 24-23, 26-26. Penalti jaurtiketetan: 5-3.
Garaikurrak altxatzeko ohitura galtzen hasia zen Bidasoa-Irun. Baina Euskal Kopa jaso du gaur Asier Zubiria kapitainak, Zarautzen kontrako lehia estuaren ondoren. Penalti jaurtiketek erabaki behar izan dute, 26-26ko berdinketarekin bukatu baita neurketa. Oreka hautsi ezinean ibili dira Bidasoa eta Zarautz lehen zatian zehar. Hogeigarren minutuan Artalekuko giroa berotu egin da, epaileak Josu Atorrasagasti txartel gorriarekin kanporatu duelako, Muiña airean zegoela bultzatzeagatik. 11-12koa sartu ondoren, defentsa ireki du Zarautzek azken jokaldirako. Baina Alzagak hutsunea topatu du, eta markagailua berdindu du aldagelarako bidea hartu aurretik.
Bigarren zatiaren erdialdera, norgehiagoka hausteko aukera izan du Bidasoa-Irunek. Lau goleko abantaila hartu du Jon Azkueren golarekin. Baina hurrengo jokaldietan, behera egin du irundarren intentsitateak. Boleak hutsartea eskatu behar izan du, nagusitasuna egonkortzeko asmoz. Kontrako eragina izan du, ordea. Ia lehiatik kanpo egon ondoren, Zarautzek gora egin du, neurketa berdintzeraino (23-23). Minutu eta erdi falta zenean, Zildzic-ek bi goleko abantaila eman dio berriro Bidasoari (26-24). Neurketa erabakita zegoela zirudien arren, etxeko taldea ez da gai izan errentari eusteko. Jokalari bat gehiagorekin ere ez du Zarautzen erasoa gelditzeko modua aurkitu.
26-26koarekin iritsi da 60.minutua, eta zazpi metroko marrara jo behar izan dute lehiakideek. Bidasoako jokalariek ez dute hutsik egin, eta Zubiria atezainak jaurtiketa gelditu dio Ondarrari. Hortaz, Artalekun gelditu da Euskal Kopa. 2002an lortu zuen azken aldiz Bidasoa-Irunek. Zubiriak jaso du, baina belauneko lesio larria duen Pedro Fuentesi eman dio altxatzeko aukera. Larunbatean mendekuaren bila itzuliko da Amenabar Zarautz Irungo kiroldegira, Ohorezko B Mailako ligako hogeita hirugarren jardunaldiko partidan.
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...