“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
23 Abu, 2015
REAL UNION: Txusta, Urkizu, Azkoiti, Aimar, Ribera, Rodellar, Iriondo (Martins, 89'), Mujika (Romo, 85'), Juan, Eizmendi, Galán (Barrón, 77').
TALAVERA: Bernabé, Camps, Victor, Sergio, Prats (Gustavo, 76'), Sánchez, Rivera (Pedro, 59'), Romero (Gilardoni, 59'), Agudo, Valdivia, Cristian.
GOLAK: 1-0: Galán (8'). 2-0: Eizmendi (49').
EPAILEA: Cristian-Adrian Lixandru. Txartel horiak: Romero eta Prats (Talavera).
Hiru puntu bildu ditu Real Unionek ligako lehen hitzorduan. Denboraldiaurrearen zama agerian gelditu den arren, itxura txukuna eman du talde txuribeltzak. Erakustaldi handirik gabe, baina sendotasunez mendean hartu du Talavera. Zortzi minutu besterik ez ditu behar izan Jorge Galanek denboraldiko lehen gola egiteko. Aurrelariak ez du gosea galdu. Urkizuk hondoko marraren gainetik egindako pasea baliatu eta 1-0ekoa egin du Galanek. Unionek joko ona erakutsi du tarteka, baina ez du neurketaren agintea eskuratu. Talaverak ere lortu du gol aukerak sortzea. Cristianek izan du argiena, 25.minutuan. Txustak ekidin du gola.
Bigarren zatiaren hasieran lortu du Real Unionek lasaitasuna eman dion gola. Ederra izan da. Eneko Eizmendik iskin egin dio atzelariari, eta zutoinaren ondotik sartu du baloia. Txuribeltzek kontrolpean izan dute neurketa. Hirugarren gola lortzeko abagune bat baino gehiago izan dute. Juan Domínguezena izan da onena, kanpora bidali baitu baloia, atezainaren aurrean zegoenean. Alain Barrón ere saria lortzeko zorian izan da, zelaira sartu bezain pronto. Gora egin du jaurtiketa, Mujikaren pasea jaso ondoren. Nolanahi ere, Talaverak ez du Real Union estutu. Garaipen erosoa izan da, beraz. Lanean jarraitzeko konfiantza emango dio garaipenak Aitor Zulaikaren taldeari.
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...