Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
01 Urt, 2020
BIDASOA-IRUN: Zubiria, Cavero (3), Trkulja, Crowley (6), Iriarte (2), Muiña (6), Azkue (2). Dejanovic, Vazquez, Revin (4), Penón (1), Zildzic (3), Gimeno (2), Alzaga.
AMENABAR ZARAUTZ: De Carlos, Urbieta, Balenziaga (3), Agirrezabalaga (9), Bujanda (1), Iraeta (4), Ondarra (2). Roteta, Atorrasagasti (3), Garate (1), Agirregomezkorta, Etxaniz (2), Labairu, Beristain.
MARKAGAILUA: 3-1, 5-4, 8-9, 10-11, 12-12, 13-13 (atsedenaldia); 15-17, 18-18, 22-21, 25-23, 26-24, 29-25.
Euskal Kopako finalean bezala, izerdi egin behar izan du Bidasoa-Irunek Amenabar Zarautz gainditzeko. Lehia biziaren jokaleku izan da berriro Artaleku kiroldegia. Zarautzek hasieratik utzi du argi garaipena eskuratzeko bidea barneratuta zuela. Defentsa irekiekin min egin dio Bidasoari, eta mugikortasuna eta abiadura erabilita irundarren harresia gainditzeko modua aurkitu du. Benetan parekatua izan da lehen zatia, eta berdinketa esanguratsua irudikatu du markagailuak atsedenaldian (13-13). Muiñak egin du azken gola, hiru segundo falta zirenean.
Aldagelatik bueltan indartsu irten da kanpoko taldea. Bidasoak baino intentsitate maila bat gehiago jarri dio neurketari, eta bi aldiz lortu du bi goleko abantaila. Baina berrogeigarren minutuan berdintzea lortu du Crowleyk, “fly” eder batekin, Revinek pasatako baloia airean hartuta. Mugarri izan da gola. Ia segidan, Caverok 19-18koa sartu du kontraerasoan, Zubiriak Agirrezabalagari jaurtiketa gelditu ondoren. Aitor Urbitartek hutsartea eskatu duen arren, hurrengo jokaldian aldea handitu du Amer Zildzic-ek. Berrogeita hamargarren minutuan hiruko abantaila hartu du Bidasoak, neurketa osoan lehen aldiz. Muiñak egin du 25-22koa.
Zarautzek ez du amorerik eman. Ahaleginean jarraitu du, eta 26-24ra hurbiltzea lortu du, partida bukatzeko bost minutu falta zirenean. Defentsako mailarik onena erakutsi du orduan Bidasoak, Zubiria atezainaren ekarpenarekin. Zildzic-en eta Revinen golek derbia erabaki dute (28-24). Banakako defentsa erabili du orduan Zarautzek azken saiakeran, baina markagailua apaintzea besterik ez du lortu Mikel Iraeta irundarraren golarekin. Zarautz baino gehiago dela erakutsi du Bidasoak azken minutuetan, balio handiko bi puntu eskuratzeko. Igoera faserako txartela ematen duen seigarren tokian jarraitzen du Fernando Bolearen taldeak.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...