Martxa hartu du Real Unionek
Futbola

Martxa hartu du Real Unionek

GUADALAJARA: Ferrán Ferri; Lee, Robin, Dani Gómez, Manzano; Diakité (David, 71'), Miguélez; Dani Ponce (Iván Rubio, 62'), Dani Iglesias, Marqués; Guillem (Edipo, 62').

REAL UNION: Txusta; Azkoiti, Aimar, Esnaola, Urkizu; Rodellar, Mikel Alonso; Eizmendi (Mujika, 79'), Ozkoidi (Martins, 69'), Barrón (Rivera, 87'); Galán.

GOLA: 0-1: Ozkoidi (19').

EPAILEA: Melgares de Aguilar Fernández. Txartel horiak: Diakité, Dani Ponce, Marqués (Guadalajara); Barrón, Mikel Alonso, Azkoiti (Real Union).

Denboraldiaren hasierako irregulartasuna atzean utzi du Real Unionek. Hiru neurketa irabazi ditu segidan, horietatik bi, etxetik kanpo. Azkena, Guadalajarako Pedro Escartin futbol zelaian. Talde sendoa da Alcarriakoa, baina Real Union gehiago izan da hamabosgarren jardunaldian. Elastiko txuriarekin jokatu dute irundarrek, baina Guadalajarak utzitakoarekin. Gorria eraman du Unionek, eta etxeko taldearena morea denez, bateraezinak zirela erabaki du epaileak.

Azkar ahaztu dute bitxikeria bidasoarrek. Lehen abisua Galanek eman du, jokoz kanpokoagatik baliogabetutako gol batekin. 18.minutuan, Ozkoidik Barronen jokaldi ederra borobildu du, baloia sarera bidalita. Nagusi izan da Real Union lehen zatian. Beste bi gol aukera izan dituzte Aimarrek eta Rodellarrek. Guadalajarak ere izan du markagailua berdintzeko aukera, baina Guillemek huts egin du 41.minutuan, Txustaren aurkako buruz-burukoan.

Bigarren zatian etxeko taldeak eskuratu du baloiaren jabetza, eta pixkanaka jokoa orekatzea lortu du. Gol aukerak sortzeko zailtasunak izan ditu, hala ere. Marquesek izan du onena 64.minutuan, Txustak esku hartu izan baitu gola ekiditeko. Hurrengo minutuan norgehiagoka erabakitzeko zorian izan da Alain Barrón, kontraeraso batean. Behin baino gehiagotan saiatu da Guadalajara Txusta atezaina estutzen, baina irundarrak bikain aritu dira defentsako lanean. Hiru puntu gehiago bildu ditu Unionek, aste gogor bati ekin aurretik. Asteazkenean Rayo Majadahonda hartuko du Federazio Kopan, eta igandean Barakaldo liderra, ligan.

SANDRA RAMAJOK FUTBOL BOTAK ESKEGI DITU
Futbola

SANDRA RAMAJOK FUTBOL BOTAK ESKEGI DITU

Jokalari gisa 360 neurketa jokatuta agur esan dio futbolari Sandra Ramajo irundarrak. Azken denboraldia Fundación Albaceten jokatu duen arren, Errealean pasa ditu...

OSO GUTXI BALIO DUEN BESTE PUNTU BAT
Futbola

OSO GUTXI BALIO DUEN BESTE PUNTU BAT

Real Unionek bigarren zatian oso zaila zuen neurketa berdintzea lortu zuen, Lezaman Bilbao Athleticen aurka 3-3 egin zuen

Erreakzionatzeko betak xahutzen...

REAL UNIONEK EZ DU HAUSPORIK
Futbola

REAL UNIONEK EZ DU HAUSPORIK

Real Union hutsean bueltatu zen Valladolidetik, 1-0 galdu zuen Valladolid Bren aurka eta 28 punturekin promozio postuetan pixkanaka sakontzen hasiak...

MIN HANDIA EMATEN DUEN PORROTA
Futbola

MIN HANDIA EMATEN DUEN PORROTA

Real Unionen bolada txarrak ez du etenik, 0-1 galdu zuen Amorebietaren aurka eta jada salbazio postuak markatzen dituen Barakaldoren bi puntutara...

OHIKOA, BERDINKETA
Futbola

OHIKOA, BERDINKETA

Real Unionek Getxoko Arenasen aurka Facurdan jokatutako neurketa 0-0ean bukatu zen. Bi taldeek gola egiteko aukera izan bazuten ere, atezainen aurrean ez zuten...

BESTE BERDINKETA BAT
Futbola

BESTE BERDINKETA BAT

Real Unionek bana berdindu du Osasuna Promesasen aurka eta jardunaldia hasi zuten egoera berdinean aurkitzen dira, promozio postuetan dagoen Unionistas taldearen...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika